Luka 8:53 - Tedim Bible

⁵³ Amah a si kei hi, a ihmu hi,” a cih ciangin, numeino a si cih amau thei uh ahih ciangin, Zeisu zahpihin a nuihsan uh hi.

Tedim Bible Revision 2017

⁵³ Amah a sih khitna thei uh ahih manin Jesu a nuihsan lel uh hi.

Luka 8:53 Referans Kwoze

Luka 16:14

Dangka a deihgawh Farisaite in hih thu khempeuh a zak uh ciangin Zeisu a zahko uh hi.

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Johan 11:39

Zeisu in, “Suang lemkhia un,” a ci hi. Misipa’ sanggamnu Martha in, “Topa aw, tu-in ahih leh, a uih zo ding hi. Bang hang hiam na cih leh, ni li pha zo hi,” a cih leh,

Late 22:7

Hong mu khempeuh in kei hong zahko-in, hong mukpik san uh a, a lu hong peisan uh hi.

JOB (Job) 17:2

Ka heina khempeuh ah mite in hong zahko a, amau’ hong phinna in hong lungzingsak hi.

JOB (Job) 12:4

Ka lawmte nangawn in tu-in kei hong nuihsan uh a, kei dikin paubaang lo napi hong nuihsan uh hi; ahi zongin Pasian in ka thungetna hong piak hun om hi.

Mattiu 9:24

“Taikhia un. Numeino a si hi lo hi, a ihmu hi,” a cih leh, tua mite in zahpihin a nuihsan uh hi.

Luka 8:52

Mi khempeuh in numeino hangin nakpi-in a kap uh a, thuumin a om uh hi. Zeisu in, “Kap kei un.

Luka 8:54

Zeisu in numeino’ khut len a, “Numeino aw, tho in,” a ci hi.