Luka 8:41 - Tedim Bible

⁴¹ Tua lai takin Jairas min nei, kikhopna inn ukpa khat in va nai a, Zeisu’ khe kiangah bokin ama innah a pai nading thu a ngen hi.

Tedim Bible Revision 2017

⁴¹ Tua laitakin kikhopna inn ukpi Jairas a kici mi khat hong pai-in Jesuʼ khe phung ah hong khukdin a, ama inn ah a pai nadingin a thum hi.

Luka 8:41 Referans Kwoze

Sawltak 18:8

Kikhopna inn ukpa Krispas in ama innkuanpihte tawh Topa a um hi. Korin mi tampite in zong thu ngai uh a, umin a kibaptaiz uh hi.

Sawltak 13:15

Thukhamna Lai leh Pasian’ kamsangte’ lai a sim khit ciangin kikhopna inn ukpa in amaute kiangah paisakin, “Ute naute aw, mite thu hilh ding na neih uh leh, thu hong gen un,” a ci hi.

Luka 13:14

Zeisu in Nipi ni-in cina a damsak man-inah kikhopna inn ukpa heh a, mihonpite kiangah, “Nasep nadingin ni guk a om hi. Tua nite sungin hong pai un la, cidamna na ngah ding uh hi. Nipi ni-in hong pai kei un,” ci-in a gen hi.

Luka 8:49

Zeisu in tua thu a gen lai takin, kikhopna inn ukpa’ inn panin mi khat hong pai a, “Na tanu a si zo hi. Siapa gimsak kei in,” ci-in a gen hi.

Mangmuhna 5:8

Tua lai takin gawsemte tawi tham loin, misiangthote’ thungetna ahi, paknamtui tawh a dim kham haite a tawi tek uh a, ganhing li tawh upa sawmnih leh lite in Tuuno mai-ah bokin:

Sawltak 18:17

Mihonpite in kikhopna inn ukpa Sosthenes manin thukhenna tokhom mai-ah a sat uh hi. Gallio in ahih leh, tua thu phamawh sa loin a om hi.

Sawltak 9:38

Lidda khua in Joppa khua tawh kinai ahih ciangin Piter tua khua-ah a om ci-in nungzuite in a theih uh ciangin mi nih sawl uh a, “Zekai loin ko kiangah hong pai in,” ci-in a thuum uh hi.

Luka 17:16

Zeisu khe kiangah bokin hehpihna a phat hi. Tua pa in Samaria mi ahi hi.

Luka 5:8

Simon Piter in a muh ciangin Zeisu khuk kiangah bokin, “Topa aw, mawhnei mi ka hih ciangin ka kiang pan paikhia in,” a ci hi.

Johan 11:21

Martha in, “Topa aw, nang om lecin ka sanggampa a si kei ding hi.

Luka 8:42

Bang hang hiam i cih leh, kum sawm leh kum nih a pha tanu khat nei a, tua a tanu si dek tak hi. Zeisu a pai lai takin, mihonpi in amah a phukha uh hi.