Luka 8:40 - Tedim Bible

⁴⁰ Zeisu a ciahkik ciangin, mihonpite in nuamin a tungsak uh hi. Bang hang hiam i cih leh, amah lamenin a om uh hi.

Tedim Bible Revision 2017

⁴⁰ Tuili gal khat ah Jesu hong ciahkik ciangin, ama hong ciahkik ding ngakin om niloh uh ahih manin mite na nuam mahmah uh hi.

Luka 8:40 Referans Kwoze

Marka 5:21

Zeisu in gunkuang sungah tuang a, a galkah khit ciangin tuili geiah a om lai takin, mihonpi a kiangah kikhawm uh hi.

Mattiu 9:1

Tua ciangin Topa zong gunkuang sungah tuang a, a galkah khit ciangin a teen’na khua-ah a tung hi.

Marka 6:20

Bang hang hiam i cih leh, Johan in mi thuman, mi siangthopa ahih Herod in thei ahih ciangin, Johan kihta a, amah a kem hi. Amah in Johan thu a zak ciangin lungmang a, lungdamna tawh ama thu a ngai hi.

Sawltak 10:33

Tua ahih ciangin nangma kiangah a manlangin mi kong paisak hi. Tu-in nang hong tung na hih ciangin thuhoih ahi hi. Tua ahih ciangin hih san takah Pasian in nangma kiangah thu hong piaksa teng ngai dingin kote khempeuh in Pasian mai-ah ka om uh hi,” a ci hi.

Johan 5:35

Amah in kuanga a taang meivak hi a, note in ama khuavakna-ah tawlkhat nopsak ding bek na ut uh hi.

Luka 19:48

Ahih hangin mite in ama thu ngai-in beel uh ahih ciangin amah thah nading thu a mu zo kei uh hi.

Luka 19:6

Zakkhias kum mengmeng a, nuam mahmahin Topa a tungsak hi.

Luka 5:1

Tua lai takin Zeisu kiangah, mihonpite in neh uh a, Pasian thu a ngaih lai takun Gennesaret tuili geiah amah a ding hi.

Marka 12:37

David in, ‘Khazih, Topa hi,’ ci ahih ciangin, bangci-in ama ta ahi thei ding hiam?” ci-in a dong hi. Mihonte in nuam mahmahin a thu a ngai uh hi.

Paunak 8:34

Ka thugenna ngai mipa, ni simin ka kong gei-ah omin, ka inn-ah a ngak mipa in thupha ngah ding hi.

Luka 8:39

Zeisu in, “Na innah ciah in la, Pasian in nangma tungah bangzah takin noptuamna hong bawl cih na zasak in,” ci-in a sawl hi. Tua pa pai a, Zeisu in ama tungah bangzah tak noptuamna bawl hiam ci-in khua sung khempeuh thu a kizeelsak hi.