Luka 8:39 - Tedim Bible

³⁹ Zeisu in, “Na innah ciah in la, Pasian in nangma tungah bangzah takin noptuamna hong bawl cih na zasak in,” ci-in a sawl hi. Tua pa pai a, Zeisu in ama tungah bangzah tak noptuamna bawl hiam ci-in khua sung khempeuh thu a kizeelsak hi.

Tedim Bible Revision 2017

³⁹ “Na inn ah ciah inla, Pasian in nang adingin bangzah takin na hong sepsak hiam, cihna thu va gen in,” ci-in a sawl khia hi. A mipa zong ciah a, ama adingin Jesuʼ sepsakna thu khempeuh, khua sung tengah a gengen hi.

Luka 8:39 Referans Kwoze

1 TIMOTI MASA 5:8

Mi khat in ama mite, ahi takpi gen leeng ama innkuanpihte, a kep kei leh, thu-upna nial a, a um lo mite sangin a gilo zaw hi.

Johan 4:29

“Hong pai un la, ka gamtatna khempeuh hong lakpa en un. Tua pa in Khazih ahi hiam?” ci-in mite kiangah a ko hi.

Thu-hilhkikna 10:21

Amah in nomau’ phat ahi hi: na mitte un a muhsa ahi hih a lian a kihtak huai a lamdang nate note adingin hong bawlsakpa in na Pasian uh ahi hi.

Marka 1:45

Ahih hangin tua pa paikhia a, a thu genthangin a kizeelsak hi. Tua ahih ciangin Zeisu in a nung ciangin a kilangin khua sungah tum thei lo a, khuanawl gampa lakah a om hi. Mun khempeuh panin a kiangah mite a pai uh hi.

Late 66:16

Pasian zahtak note khempeuh aw, hong pai un la, za un, kei’ adinga ama bawlsate kong gen ding hi.

Marka 5:18

Zeisu in gunkuang ah a kah lai takin, dawi lutpa in amah tawh omkhawm nading thu a nget ciangin,

Marka 5:19

Zeisu in thu pia loin, “Na innah ciah in la, Pasian in nangma tungah bangzah takin noptuamna hong pia a, nangma tungah bangci a hehpihna hong pia hiam cih na behte kiangah na zasak in,” ci-in thu a pia hi.

Luka 8:38

Dawite a paikhiatnapa in Zeisu tawh a omkhawm nadingin thu a nget ciangin,

Luka 8:40

Zeisu a ciahkik ciangin, mihonpite in nuamin a tungsak uh hi. Bang hang hiam i cih leh, amah lamenin a om uh hi.