Luka 8:35 - Tedim Bible

³⁵ Mite in bang thu piang hiam ci-in en dingin a kuankhia uh hi. Amaute in Zeisu kiang a tun’uh ciangin, dawi paikhiatnapa puan silhin mipil bangin Zeisu’ khe kiangah tu-in a om a mu uh a, a lungmang uh hi.

Tedim Bible Revision 2017

³⁵ Hih thupiang a en dingin mite hong pai uh a, Jesu kiang a tun uh ciangin dawi a pai khiatna mipa Jesu kiangah omin, puan silhin, a pilkikna thu a muh uh ciangin a vekpi-un lamdang sa-in a lau uh hi.

Luka 8:35 Referans Kwoze

Luka 10:39

Tua numei in Mari a kici sanggam numei khat a nei hi. Tua Mari in Zeisu khe kiangah tu-in ama thu a ngai hi.

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.

Sawltak 22:3

Paul in a gen-inah: “Kilikia gam, Tarsas khua-a suak, Judah mi ka hi hi. Ahih hangin hih khua sungah Gamaliel’ khe kiangah anvaakna ngahin, i pu i pate’ thukhamte sinin a siamsa ka hi a, tuni-a note khatpeuh peuh zahin Pasian’ ading a hahkat mipa ka hi hi.

Late 51:10

Pasian aw, ka sungah lungsim siangtho hong piangsak in la, a thak, a man, ngaihsutna ka sungah hong guan in.

Luka 8:27

Zeisu lei tungah a kahtoh ciangin tua khua panin dawi lut mi khat in a dawn hi. Tua pa in sawtveipi puan silh lo a, innah om loin han lakah a om hi.

Luka 15:17

A lungngaih kik ciangin, ‘Ka pa’ inn sungah nasemte khamval bangzah tak a om hiam! Kei ka hih leh hih gamah gilkialin puksi dek takin ka om hi.

Luka 2:46

Ni thum khit ciangin, naupang biakna innpi sungah thuhilhte lai zangah tu a, amaute thu ngai a, amaute kiangah thu dongin a om a mu uh hi.

Marka 5:15

Amaute Zeisu kiang a tun’ uh ciangin Legion a nei dawi lutpa in puan silhin, lungpilte bangin tu-in a om a muh uh ciangin a kihta uh hi.

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Luka 8:34

Vokcingte in tua thu a muh uh ciangin, tai uh a, khua sung leh gam sungah hih thu a gen uh hi.