Luka 8:33 - Tedim Bible

³³ Dawite in tua pa sung pan paikhia uh a, vokte sungah a lut uh leh, vok honpite in kensang tung pan taisuk uh a, tuili sungah tuakin a si khin uh hi.

Tedim Bible Revision 2017

³³ Tua ahih manin dawite zong mipa sung panin pai khia-in vokte sungah lut uh a, vokte zong tui gei keen tung khawngah tuak suk gawpin a vekpi-in tui a kia hi.

Luka 8:33 Referans Kwoze

Mangmuhna 9:11

Amau tunga kumpipa in Hebru kam-in Abaddon kici, ahi zongin, Grik kam in Apollion kici ahi zongin kiphuak a, kuam thukpi’ sawltak ahi hi.

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Johan 8:44

Note in na pa uh dawimangpa’ suan na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei lo ahih ciangin thuman thutak sungah a kip kei ding hi. Amah in thuzuau a gen ciangin ama thu a gen hi. Bang hang hiam na cih uh leh, amah in zuauthu gen leh thuzuaupa lah ahi hi.

Mattiu 8:32

“Pai ta un,” a cih ciangin dawite a paikhia uh a, vokte sungah a lut uh leh, vok hon in keen sang tung pan nakpi-in taisuk uh a, tui sungah a si khin uh hi.

Luka 5:1

Tua lai takin Zeisu kiangah, mihonpite in neh uh a, Pasian thu a ngaih lai takun Gennesaret tuili geiah amah a ding hi.

Luka 8:32

Tua san tak mual tungah vok honpi khat gamta-in a om uh hi. Amaute in vok sungah lut nading thu a piak na’ng dawite in a nget uh ciangin, Zeisu in thu a pia hi.

Luka 8:34

Vokcingte in tua thu a muh uh ciangin, tai uh a, khua sung leh gam sungah hih thu a gen uh hi.