Luka 8:30 - Tedim Bible

³⁰ Zeisu in, “Na min bang ahi hiam?” ci-in a dot ciangin, “Ka min Legion ahi hi,” a ci hi. Bang hang hiam i cih leh, dawite tampi in ama sungah a lut zo uh hi.

Tedim Bible Revision 2017

³⁰ Jesu in ama kiangah, “Na min bang ahi hiam?” ci-in a dot ciangin, ama sungah dawi tampi lut ahih manin, “A Honpi,” ci-in a dawng hi.

Luka 8:30 Referans Kwoze

Mattiu 26:53

Tu nangawnin ka Pa kiangah ngen leng vantungmi kuan sawm leh kuan nih sanga tamzaw ka kiangah hong sawl ding um lo na hi hiam?

Luka 8:2

Dawi gilo lut leh cinatna a damsak numeite in a zui uh hi. Tuate lakah dawi gilo sagih a hawlkhiatna, Magdalene kici Mari,

Marka 16:9

Zeisu in ni sagih lakah ni kipat ni, zingtuungin a thawhkik khit ciangin, a sung pan dawi sagih a hawlkhiat Magdala khua Mari kiangah a masa penin a kilak hi.

Mattiu 8:29

“Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

Marka 5:9

Zeisu in, “Na min bang ahi hiam?” ci-in a dot ciangin, “Kote tampi ka hih uh ciangin, ka min un Legion ahi hi,” a ci hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Luka 8:29

Hih thu bang hangin a thuum hiam i cih leh, Zeisu in kihhuai dawi in tua pa sung pan a taikhiat nadingin thu a pia hi. Dawi in tua pa tamveipi a man zo hi. Sikkhau tawh kihen a, kolbulh in, a kikhum hangin, a sikkhau peeksat a, dawi in gampa lakah a hawlkhia hi.