Luka 8:28 - Tedim Bible

²⁸ Amah in Zeisu a muh ciangin, a mai-ah bokin, “Sang Bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin kong thuum hi,” ci-in nakpi-in a kiko hi.

Tedim Bible Revision 2017

²⁸ Jesu a muh ciangin nakpi takin awngin a mai ah khukdin a, “A Lian Pasianʼ Tapa Jesu aw, kei bang hong nuammawh na hi hiam? Kei, gim nong piak loh nadingin kong thum hi,” ci-in nakpi takin a kiko hi.

Luka 8:28 Referans Kwoze

Mattiu 8:29

“Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

2 PETER NIHNA 2:4

Bang hang hiam na cih uh leh, Pasian in a khial vantungmite pammaih sa loin, hel khua sungah a khiat khit ciangin thukhen Ni dongin khuamial khuk sungah a khum hi.

Mangmuhna 20:10

Amaute a kheem Dawimangpa in zong sahang leh thuzuau hilh kamsangte omna kat meiphual sungah khiatsukna thuakin, amaute in sun tawh zan tawh a tawntungin bawlsiatna a thuak ding uh hi.

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.

Jeim 2:19

Pasian khat bek a om ci-in na um hi. A pha hi. Dawi gilote in zong umin, kihta-in a liing uh hi.

Isaiah 27:1

Tua ni ciangin Topa in, a sak, a lian, a to namsau tawh a taikhia gulpi ahi tuipi ganhing, a kikual vial gulpi ahi tuipi ganhing daantat ding a, amah in tuipi sunga om tua gulpi that ding hi.

Luka 8:27

Zeisu lei tungah a kahtoh ciangin tua khua panin dawi lut mi khat in a dawn hi. Tua pa in sawtveipi puan silh lo a, innah om loin han lakah a om hi.

Luka 8:29

Hih thu bang hangin a thuum hiam i cih leh, Zeisu in kihhuai dawi in tua pa sung pan a taikhiat nadingin thu a pia hi. Dawi in tua pa tamveipi a man zo hi. Sikkhau tawh kihen a, kolbulh in, a kikhum hangin, a sikkhau peeksat a, dawi in gampa lakah a hawlkhia hi.