Luka 8:25 - Tedim Bible

²⁵ Zeisu in, “Na upna uh koi-ah om hiam?” ci-in a dong hi. Amaute lau uh ahih ciangin, lamdang a sa uh a, “Hih mi in kua mi ahi hiam? Huih leh tui nangawn thu a piak ciangin a ngai tazen uh hi,” ci-in khat leh khat a kikum uh hi.

Tedim Bible Revision 2017

²⁵ Tua ciangin Jesu in a nungzuite kiangah, “Na upna uh koi ah om khinta ahi hiam?” a ci hi. Ahi zongin amaute lau-in lamdang sa uh a, khatlekhat in, “Hih pa kua ahi hiam? Thu a piak ciangin huihpi le tuihualte nangawn in a thu mang uh hi,” a kici uh hi.

Luka 8:25 Referans Kwoze

Mattiu 8:26

Zeisu in, “Upna neute aw, bang dinga lau na hi uh hiam?” a cih khit ciangin, tho a, huih leh tuihual a taai khit ciangin a dai ta hi.

Paunak 30:4

Vantungah kua kah to a, leitungah hong kumsuk kik ahi hiam? Kua in a khut sungah huihte lomcip a, puanin tuite tuncip ahi hiam? Kua in leitung bulpite phut kip ahi hiam? Tua bang mi na theih ngei leh, a tapa’ min bang ahi hiam?

Mattiu 14:31

Zeisu in thakhatin a khut zan a, Piter lenin, “Upna neupa aw, bang hangin um khial na hi hiam?” a ci hi.

Johan 11:40

Zeisu in, “Nang na up leh, Pasian’ minthan’na na mu ding hi, hong ci zo hilo ka hi hiam?” a ci hi.

Luka 12:28

Upna neute aw, tuni-in om a, zing ciangin meikhuk ah kikhul thei lopate Pasian in puan silhsak ahih ciangin, tua tham loin note zong puan hong silhsak ding hilo ahi hiam?

Mattiu 17:20

Zeisu in, “Na upna uh a neu hang hi. Ke’n aman takpi kong cih-inah, note in ankamtang khat cia bang upna nei le-uh teh hih mual kiangah, “Kinkhia in,’ na cih uh leh, kikhin ding hi.

Paunak 8:29

tuipi tuite in ama cihna bangin khengin, a luan’ loh nading thu a piak lai takin ka om a, leitung bulpite a ciamteh lai takin,

Mattiu 6:30

Upna neute aw, tuni-in om a, zing ciangin mei khukah kikhul thei lopate Pasian in puan silhsak ahih ciangin, tua tham loin note zong puan hong silhsak ding hilo ahi hiam?

Mattiu 8:10

Zeisu in tua thu a zak ciangin lamdang sa a, “Ke’n aman takpi kong cih-inah, hih zah alian upna Israel mipawl lakah ka mu ngei kei hi.

Marka 4:35

Tua ni, nitak ciangin Zeisu in a nungzuite kiangah, “Gal khatah pai ni,” a ci hi.

Luka 8:24

Zeisu kiangah pai uh a, “Topa, Topa aw, kote ka si dek tak uh hi,” ci-in a phong uh hi. Zeisu tho a, huihpi leh tui kilok a taai khit ciangin khawlin, a dai hi.

Luka 8:26

Galile gam galah Geresa gam a tung uh a,