Luka 8:21 - Tedim Bible

²¹ Zeisu in, “Pasian’ thu za-a a mangte in ka nu, ka sanggampa, ka sanggamnu ahi uh hi,” a ci hi.

Tedim Bible Revision 2017

²¹ Tua ciangin Jesu in a dawnna-in mihon khempeuh tungah, “Pasianʼ thu za a, a zuite khempeuh pen ka nu le ka sanggamte ahi hi,” a ci hi.

Luka 8:21 Referans Kwoze

Jeim 1:22

Note’ pumpi uh kikheemin thungaite bek hi kei un; thu banga gamtate na hi un.

Johan 13:17

Tua nate thei-in na hih le-uh teh, thupha na ngah ding uh hi.

3 JOHAN THUMNA 1:11

Ka it mi aw, a sia lam zui kei in, a hoih lam zui in. A hoih a gamta mi in Pasian tawh kipawl hi. A hoih lo a a gamta mi in Pasian a mu nai kei hi.

1 JOHAN MASA 2:29

Amah in midik ahih note in na theih uh leh, dikna thu a sem mi khempeuh in zong ama pian’sak mi ahi uh hi, cih na thei uh hi.

2 KORIN NIHNA 6:18

Note’ Pasian ka hi ding hi, Note zong ka tanu ka tapa na hi ding uh hi,” Vanglian Topa in a ci hi.

Luka 8:15

Lei hoih ah a kiate in, thuman leh apha lungsim tawh thu a zak khit uh ciangin keem uh a, lungkipin a gahte ahi uh hi.”

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

Johan 20:17

Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Mattiu 28:10

Zeisu in, “Lau kei un, Pai un la, ka sanggamte kiangah, ‘Galile gamah na pai un. Tua san takah kei hong mu ding uh hi,’ a ci hi, ci-in va gen un,” a ci hi.

Mattiu 25:45

Kumpipa in, ‘Ke’n aman takpi kong cih-inah, hih mite laka a neupen khat tungah na bawl loh uh ciangin, kei tungah zong hong bawl lo na hi uh hi,’ a ci ding hi.

Luka 8:20

“Na nu leh na sanggamte in hong hopih nuamin inn pua lamah ding-in a om uh hi,” a cih uh ciangin,