Luka 8:18 - Tedim Bible

¹⁸ Tua ahih ciangin note in bangci na zak uh hiam, na kikeem un. Bang hang hiam na cih uh leh, a neite kipiak beh ding hi. A nei lote kiang pan a neihsa a upmawh nangawn kilakhia ding hi,” ci-in thu a hilh hi.

Tedim Bible Revision 2017

¹⁸ Tua ahih ciangin thu na ngaih uh ciangin limtakin kingaihsun un. Bang hang hiam cih leh a nei sa mipa tungah Pasian in pia thuah dinga, a nei lo mipa tung panin them khat nei-a a kingaihsut nangawn lakkhiatsak ding hi,” a ci hi.

Luka 8:18 Referans Kwoze

Mattiu 13:12

A neite kipia beh ding a, a hauzaw ding hi. A neilote kiang pan a neihsa nangawn kilakhia ding hi.

Luka 19:26

‘Ke’n kong cih-inah, a neite khempeuh a kipiak beh ding hi. A nei lote kiang pan a neihsa nangawn a kilakhia ding hi.

Mattiu 25:29

Bang hang hiam na cih uh leh, a neite khempeuh kipiak beh ding a, a hau ding hi. A nei lote kiang pan a neihsa nangawn kilakhia ding hi.

Johan 15:2

Kei tungah a gahlo hiangte khempeuh a sattan ding hi. A gah thei hiang khempeuh in a gah semsem nadingin a hahsiang ding hi.

Hebru 2:1

Tua ahih ciangin eite in i zaksa thute panin kinkhia lo paikhiat loh nading, lungsim takpi tawh kidophuai hi.

1 KORIN MASA 14:37

Mi khat peuhpeuh in kamsang mi ka hi hi ci-in ahi zongin, Kha Siangtho piaksa thupha a ngah mi ka hi hi ci-in ahi zongin, a ki-up leh note’ kiangah kong piak thute in Topa’ thupiakna ahi hi, ci-in mang ta hen.

1 KORIN MASA 8:2

Mikhat in hih thu ka thei hi ci-in a ki-up leh, a theih ding a kilawm zahin a thei nai kei hi.

1 KORIN MASA 3:18

Kuamah peuhmah amah leh amah kikheem kei hen. Note lakah mi khatpeuh mah in hih leitung pilna ka nei hi ci-in a ki-up leh, tuapa in mi lungpil a suah nadingin mihai suak hen.

ROM (Romans) 12:3

Kei tunga hong kipia hehpihna thupha hangin note’ kiangah kong gen-inah: No-le-no na kingaihsut ding zah valun kithupi ngaihsut kei un; Pasian in mikim tunga hong hawmsak upna zah tawh kizui-in a man thukhenna tawh nomau ciat kingaihsun un.

Sawltak 17:11

Tua mite in Thesalonika khua mite sangin a dikzaw uh hi. Bang hang hiam i cih leh, deih phat mahmahna lungsim tawh Pasian’ thu sangin, hih thute a man hiam a man lo hiam cih a theih nadingun ni simin Lai Siangtho tel takin a sin uh hi.

Sawltak 10:33

Tua ahih ciangin nangma kiangah a manlangin mi kong paisak hi. Tu-in nang hong tung na hih ciangin thuhoih ahi hi. Tua ahih ciangin hih san takah Pasian in nangma kiangah thu hong piaksa teng ngai dingin kote khempeuh in Pasian mai-ah ka om uh hi,” a ci hi.

Luka 9:44

Ahih hangin mi khempeuh in Zeisu hihna khempeuh lamdang a sak uh ciangin, a nungzuite kiangah Zeisu in, “Na lungsim uh ah hih thute tum ta hen. Mihing Tapa in mite khut tungah kiheek ding hi,” a ci hi.

Filippi 3:4

Ahih hangin kei ka hih leh, ci-le-sa ah zong suan’ ding ka nei hi. Midang khatpeuh in ci-le-sa ah suan’ ding ka nei hi ci-in a ki-up leh, keimah in ka nei zaw hi.

Marka 13:14

“A kisia thei kihhuaina in a kilawm lo munah ding-in a om na muh uh ciangin, (Lai Siangtho a sim theite in thei ta hen) Judah gamah a omte in mual tungah tai ta uh hen.

Paunak 14:12

Mihingte in thuman lampi hi a cih khakte pen, sihna lampi na hi kha thei hi.