Luka 8:12 - Tedim Bible

¹² Lampi geiah a kiate in, thu a zak khit uh ciangin thu um uh a, gupna a ngah loh nadingun, dawimangpa hong pai-in, a sinsung uh pan thu a lakkhiatte ahi uh hi.

Tedim Bible Revision 2017

¹² Lam dungah khaici a tukna munte pen Pasianʼ thu a zate a cihnopna ahi hi. Tuate in Pasianʼ thu a zak hangun a thu um loin, hotkhiatna a ngah loh nadingun Dawimangpa hong pai-in a lakkhiatsak hi.

Luka 8:12 Referans Kwoze

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

Marka 4:15

Lampi geiah khaici a kiate in, thu a zak uh ciangin thakhatin Satan hong pai a, amau sungah a kivawh thu a lakkhiatte ahi uh hi.

Mattiu 13:19

Mi khat in Vantung Gam thu a zak ciangin, thei lo ahih ciangin dawimangpa hong pai a, a sin sunga kivawh khaici a lakhia hi. Tuate in lampi geiah a kia khaici ahi hi.

Paunak 4:5

Pilna leh thu ngaihsut theihna na neih nading hahkat in la, kong gen thute mangngilh kei in la, hoih takin, ngaihsun in.

Paunak 1:29

Note in pilna deih loin, Topa na zahtak nuam kei uh a,

Luka 8:5

“Khaici vawhpa in khaici vawh dingin a kuankhia hi. Khaici a vawh lai takin kimkhatte in, lam geiah kia a, kisik gawpna thuak a, van a, vasate in tawmin a ne uh hi.

Isaiah 65:11

Ahih hangin kei a hong nusia, keima mual siangtho a mangngilh, Gad pasian’ adingin sabuai phahin, Meni pasian’ adingin zu helsa hai sungah a dim note pen;

Mattiu 13:4

“En un, khaici vawhpa in khaici vawh dingin a kuankhia hi. Khaici a vawh lai takin, kimkhatte lampi geiah kia a, vasate hong pai-in, tawmin a ne uh hi.

Luka 8:11

“Thugentehna in hih bang ahi hi; Khaici in Pasian’ thu ahi hi.

Luka 8:13

Suang lakah a kiate in, thu a zak ciangin lungdamin a mang pahte ahi uh hi. Amaute in zung kip nei lo uh a, tawlkhat kikal a up uh hangin khemna a thuak uh ciangin a tawp kik uh hi.