Luka 8:10 - Tedim Bible

¹⁰ Zeisu in, “Note in Pasian’ Gam thusimte na theihtheih nadingun thu hong kipia hi. Midangte ahih leh, en napi-in mu lo ding uh hi. Ngai napi-in a khiatna a theih loh nadingun thugentehna tawh kihilh ding hi.”

Tedim Bible Revision 2017

¹⁰ Jesu in, “Pasianʼ Ukna thu tawh kisai thusim, note tungah hong kigen hi. Ahi zongin midangte in, enen napi-un a muh loh nading zaza napi-un a tel loh nadingun amaute tungah thu gentehna tawh thu kigen hi,” a ci hi.

Luka 8:10 Referans Kwoze

Isaiah 6:9

Tua ciangin amah in, “Pai in la, hih mite tungah hih bangin ci in: ‘Za za napi, tel lo; mu mu napi, thei lo,

Marka 4:11

Zeisu in, “Pasian’ Gam thu theih hakte na theih nadingun thu hong pia hi. A pua lam a omte ahih uh leh, kikheela amau mawhna uh a kimaisak loh nadingin,

Mattiu 11:25

Tua ciangin Zeisu in, “Vantung leh leitung a uk ka Pa aw, nangmah in hih nate mipilte leh misiamte kiangah im-inah, naupangte tungah lak na hih ciangin na hehpihna ka phat hi.

Jeremiah 5:21

“Ngai un, ngaihsutna nei lo mihaite aw, mit nei napi-a mu lote, bil nei napi-a za lote aw.

Isaiah 44:18

Amaute in bangmah thei lo, amaute in bangmah khentel thei lo uh hi; bang hang hiam cih leh amaute in bangmah a muh loh nadingun amah in a mit uh humsakin, bangmah a theih loh nadingun a lungsim uh khaksak hi.

ROM (Romans) 16:25

Tanglai tawntung kiseel khin a, tu-in kilangin mipawl khempeuh in um-in thu a man’ nading uh, kamsangte’ Lai Siangtho sungah a kigelh tawntung Pasian’ thupiakna bangin Lungdamna Thu leh Zeisu Khazih hong kilatna hangin note hong kipsak zo Topa khat bek in,

Mattiu 16:17

Zeisu in, “Jonah’ tapa Simon aw, thupha na ngah ding hi. Bang hang hiam na cih leh, hih thu, si-le-sa in nang hong hilh ahi kei hi. Vantunga om ka Pa in hong theisak hi.

Late 25:14

Topa tawh kilawmtatna in amah a zahtakte’ ading hi a, a thuciamna amau tungah kitheithang sak hi.

Thu-hilhkikna 29:4

ahih hangin tu ni dongin Topa in note tungah a thu na tel nading uh lungsim hita leh, na muh nading uh mit hita leh, na zak nading uh bil hita leh hong pia nai lo hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

1 KORIN MASA 12:11

Hih thu khempeuh Kha Siangtho khat bek in bawl a, ama deihna bangin mikim tungah a hawmsak hi.

Johan 12:40

“A mit uh tawsakin, a lungsim uh a khauhsak hi. Tua bang hih kei leh, a mit uh tawh mu-in, A lungsim uh tawh thei ding uh a; Amau cinatna ka damsak ding hi,” a cihna thu hangin amaute in a um kei uh hi.

Isaiah 29:14

tua ahih ciangin en un, hih mite tungah a tumdang leh a lamdang ahi a lamdang nate ka bawlkik ding hi; amau’ mipilte’ pilna kisia ding a, amau’ thu mutel theite’ thu muhtel theihna kiseel ding hi,” a ci hi.

Ezekiel 12:2

“Ezekiel aw, a lehdo thei mite lakah a teeng na hi hi. Amaute in mit nei napi-in khua mu lo uh a, bil nei napi-in bangmah za thei lo uh hi. Amaute pen a lehdo thei mite ahihna hang uh ahi hi.

Marka 4:12

amau enin, a en napi-un a mu kei ding uh a; ngai-in, a ngai napi-un a khiatna thei lo ding uh ahih ciangin, amaute thugentehna tawh ka hilh hi.”