Luka 7:7 - Tedim Bible

⁷ Tua mah bangin Topa kiangah kong pai ding kilawm ka sa kei hi. Na kamin thu pia leteh, ka nasempa a dam ding hi.

Tedim Bible Revision 2017

⁷ Nangmah tawh a kimu dingin zong kilawm zo kisa lo ka hih manin keima pumpi kong pai kei hi. Thu pia peuh lecin ka nasem pa dam lel ding hi.

Luka 7:7 Referans Kwoze

Late 107:20

amah in ama’ thu vaikhakin, amaute dam sak a, siat nading panin amaute honkhia hi.

Luka 4:36

Mi khempeuh in lamdang a sa uh a, “Hih thu in bang thu ahi hiam? Thu tawh, vangliatna tawh, kihhuai dawite thu a piak ciangin amau a paikhia uh hi,” ci-in khat leh khat a kikum uh hi.

Late 33:9

Bang hang hiam cih leh amah pau a, hong piang hi; thu pia a, hong om hi.

Marka 1:27

Mi khempeuhte in lamdang a sa uh a, “Hih thu in bang thu ahi hiam? Thuhilhna thak ahi hiam? Uk neihna tawh kihhuai dawite thu a piak ciangin amau in a thu a mang uh hi,” ci-in khat leh khat a kikum uh hi.

Luka 5:13

Zeisu in a khut zanin lawng a, “Ka hih nuam hi, na dam ta in,” a cih leh, thakhatin a dam pah hi.

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

1 SAMUEL MASA 2:6

Topa in thatin hingsak kik hi; amah in Leinuai-ah paipih sukin thoto sak hi.

Paikhiatna 15:26

“Note in Topa na Pasian’ thu lim takin na ngaih uh a, ama' maiah a man nate hih-in, ama' thupiakte don a, ama' ngeina kipte khempeuh na zuih uh leh, Izipt mite' tungah ka tun’sak natnate khat beek note' tungah kong tungsak kei ding hi; bang hang hiam cih leh keimah in Topa, note hong damsakpa ka hi hi,” a ci hi.

Luka 7:6

Zeisu in amaute tawh a paikhawm hi. Galkap mangpa’ inn hong naih uh ciangin, galkap mangpa in a lawmte khat sawlin “Topa aw, na kigimsak kei in. Keima inn khum nuai-ah nong lut dingin ka kilawm kei hi.

Luka 7:8

Bang hang hiam na cih leh, keimah in zong mangza-ah hong kikoih hi. Ka nuai-ah zong galkapte a om hi. Tua galkapte khat kiangah, ‘Pai in,’ ka cih ciangin a pai hi. Adang khat kiangah, ‘Hong pai in,’ ka cih ciangin a hong pai hi,” ci-in a gensak hi.