Luka 7:6 - Tedim Bible

⁶ Zeisu in amaute tawh a paikhawm hi. Galkap mangpa’ inn hong naih uh ciangin, galkap mangpa in a lawmte khat sawlin “Topa aw, na kigimsak kei in. Keima inn khum nuai-ah nong lut dingin ka kilawm kei hi.

Tedim Bible Revision 2017

⁶ Tua ahih manin Jesu in zong amaute sapna bangin a va zui hi. Jesu a tun madiakin galkap bupa in Jesu kiangah a lawmte pawl khat sawl a, “Topa aw, ka inn ah nong pai nadingin kei kilawm zo lo ka hih manin hong pai dah hoh in.

Luka 7:6 Referans Kwoze

Jeim 4:6

Topa in thupha hehpihna a tamzaw hong pia hi. Tua ahih ciangin Lai Siangtho sungah a gen-inah, “A kisatheite Pasian in kham a, ahih hangin lung kiniamkhiat mite thupha hehpihna a pia hi,” ci-in a gen hi.

Marka 5:24

Zeisu in tua pa tawh paikhawm a, mi tampite in a nung zui-in a phukha uh hi.

Luka 8:49

Zeisu in tua thu a gen lai takin, kikhopna inn ukpa’ inn panin mi khat hong pai a, “Na tanu a si zo hi. Siapa gimsak kei in,” ci-in a gen hi.

Jeim 4:10

Topa mai-ah na kiniamkhiat un. Tua bang na hih uh leh, amah in note hong pahtawi ding hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Luka 5:8

Simon Piter in a muh ciangin Zeisu khuk kiangah bokin, “Topa aw, mawhnei mi ka hih ciangin ka kiang pan paikhia in,” a ci hi.

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Luka 7:4

Tua upate in Zeisu kiang a tun’ uh ciangin, “Tua thu ama ading na hih nadingin tua pa a kilawm hi.

Piancilna 32:10

Keimah in na itna kip khempeuh lak pan a neu pen leh na nasempa' tunga nong lahsa na thumannate khempeuh tawh ka kilawm kei hi, bang hang hiam cih leh ka ciangkhut guak tawh hih Jordan ka kantan hi; tu-in pawl nih ka cing khin ta hi.

Luka 7:5

Bang hang hiam na cih leh, amah in ei pawl hong it a, eite kikhopna inn a lamsak hi,” ci-in a va thuumsak uh hi.

Luka 7:7

Tua mah bangin Topa kiangah kong pai ding kilawm ka sa kei hi. Na kamin thu pia leteh, ka nasempa a dam ding hi.