Luka 7:47 - Tedim Bible

⁴⁷ Tua ahih ciangin, ke’n kong cih-inah ama mawhna tam napi-in a kimaisak hi. Bang hang hiam na cih leh, amah in tampi-in a it hi. A tawmno khat mawhna a kimaisak mi in tawmkha-in a it thei hi,” ci-in Simon kiangah a gen hi.

Tedim Bible Revision 2017

⁴⁷ Tua ahih ciangin nang kiangah kong genin ah, ama mawhna tampi tak a omte kimaisak khin ahih manin amah in a itna nakpi takin a lak hi. Ahi zongin tawmno bek a kimaisakte in a itna uh tawmno bek mahin a lak uh hi,” a ci hi.

Luka 7:47 Referans Kwoze

1 JOHAN MASA 4:19

Pasian in eite hong it masak maninah eite in amah i it hi.

1 JOHAN MASA 3:18

Ka ta neute aw, eite in kampau bek tawh ahi zongin, leii bek tawh ahi zongin ki-it loin, sepna bawlna tawh a mantak ki-it ni.

Isaiah 1:18

Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

ROM (Romans) 5:20

Khialhna a khan’ nadingin Thukham in zong a hong tum hi. Ahih hangin khialhna a khan’ hangin hehpihna a khang zaw semsem hi.

Efesa 6:24

Kisia lo itna tawh i Topa Zeisu Khazih a it mite khempeuh tungah hehpihna thupha om ta hen.

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

1 JOHAN MASA 5:3

Bang hang hiam na cih uh leh, Pasian’ itna in ama thupiaknate zuihna ahi hi. Pasian’ thupiaknate zong a haksa lua ahi kei hi.

1 TIMOTI MASA 1:14

Eite Topa’ hehpihna thupha in zong Khazih Zeisu sungah a om upna leh itna tawh, a kigen khin zo loin tamin a om hi.

Filippi 1:9

Note in ahoih apha nate na theih nadingun, theihna apawlpawl khempeuh hangah na ki-itna uh khangin a kicin’ nadingin ahi zongin, Pasian minthan’ nading leh phat nadingin, Zeisu Khazih hangah dikna’ gah tawh dimin, Khazih’ Ni dongin na lungsim uh a siangtho leh genbaang lo ahih nadingin ahi zongin note ading thu kong ngetsak hi.

Sawltak 5:31

Israel mipawl kisikkikna leh mawh kimaisakna thu a piak nading tua mi in Ukpa leh Gumpa a suah na’ngin Pasian in ama ziat lamah a koih sang hi.

1 JOHAN MASA 1:7

Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.

Luka 7:39

Zeisu an a vak Farisaipa in a muh ciangin, “Hih mi in Pasian’ kamsangpa ahih takpi leh, a lawng hih numei in bang mi ahi, a gilo numei hi, ci-in a thei ding hi,” ci-in a lungsim sungah a gen hi.

Mattiu 10:37

Kei hong it sangin a nute a pate a it zaw mi in, kei tawh kituak lo hi. Kei hong it sangin a tapa a tanu a it zawte in, kei tawh kituak lo hi.

2 KORIN NIHNA 5:14

Bang hang hiam na cih uh leh, mi khempeuh tang ding mi khat bek si ahih ciangin mi khempeuh a si uh ahi zongin,

Micah 7:19

Kote nong khasiat kik ding a, ka mawhnate uh hong sawpkhiatsakin, tuipi taw-ah nong paihsak ding hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cihna ding mel thei loin na om ding hi, Topa Pasian in ci hi,” hong ci hi.

Luka 7:46

Ka lu sathau nong nilhsak kei hi. Amah in ahih leh, ka khe paknamtui tawh hong nilhsak hi.

Luka 7:48

Numei kiangah, “Na mawhna kimaisak zo hi,” a ci hi.