Luka 7:39 - Tedim Bible

³⁹ Zeisu an a vak Farisaipa in a muh ciangin, “Hih mi in Pasian’ kamsangpa ahih takpi leh, a lawng hih numei in bang mi ahi, a gilo numei hi, ci-in a thei ding hi,” ci-in a lungsim sungah a gen hi.

Tedim Bible Revision 2017

³⁹ Jesu a sam Farisi mipa in a muh ciangin a lungsim sungah, “Hih pa pen kamsang taktak hileh amah a lawng hih numei nu a bangci mi ahi hiam cih thei dinga, ama gamtat hoih lohna teng zong thei ding hi,” a ci hi.

Luka 7:39 Referans Kwoze

Luka 7:16

Zeisu in tua pa a nu kiangah a pia hi. Mi khempeuh in lau uh a, “A lian mahmah kamsangpa in eite lakah hong piang zo hi. Pasian in ama mipawlte kiangah hong hawh zo hi,” ci-in Pasian’ min a phat uh hi.

Luka 15:2

Farisaite leh laitheite in , “Hihpa in migilote ngai a, amau tawh an a nekhawm hi,’ ci-in a ko uh hi.

Marka 7:21

Bang hang hiam na cih uh leh, mi sung pan a hoih lo ngaihsutna, numei tawh mawhna,

Isaiah 65:5

“Note kiang panin kote hong kituam koih ahih manin kihemkhia un la, ko kiangah hong pai kei un,” ci-in midangte tungah a gen mite in ni khat tawntung a kuang mei leh ka nak sunga meikhute bang ahi uh hi.

Johan 9:24

Tua ahih ciangin, a mittaw ngeipa sam kik uh a, “Pasian phat in, hih mi in mawhnei mi ahih kote’n ka thei uh hi,” a cih uh ciangin,

Johan 7:12

Mihonpite in ama hangin thu tampi kikum uh hi. Mi kimkhat in, “Amah mipha ahi hi,” ci uh a, mi kimkhat in, “Mipha ahi kei hi, mihonpite a kheempa ahi hi,” a ci uh hi.

Johan 4:19

Numei in, “Topa aw, nangmah in Pasian’ kamsangpa na hih lam ka thei hi.

Luka 18:4

Ahih hangin thukhen mangpa in thu khensak loin sawtpi a om hi. Tua nung ciangin amah in, ‘Keimah in Pasian kihta loin mite ka zahtak loh hangin,

Luka 16:3

Sumkempa in, ‘Tu-in ka topa in sumkep za panin hong kiasak zo ahih ciangin, bang ka ci hih ding hiam? Lo laih nading tha ka nei kei hi. Khutdawh ngen dingin ka maizum hi.

Luka 7:37

Tua khua sungah numei gilo khat a om hi. Amah in Farisaipa’ innah Zeisu in an ne, ci-in a theih ciangin paknamtui suangngo thawl khat paipih a,

Luka 3:8

Tua ahih ciangin kisikkikna tawh kilawm gah na gah un. ‘Abraham ka pa uh hi,’ ci-in na lungsim sung uh ah lungngaih ding na kipan kei un. Ke’n kong cih-inah, Pasian in hih suangte nangawn zong Abraham’ tate a suaksak thei hi.

Paunak 23:7

“Ne ne in hong cih hangin,” a cih takpi hi lo hi. Na dangtawng hong sun samzang nek khak tawh kibang ding hi.

2 KUMPI NIHNATE 5:20

Pasian’ mipa Elisha’ nasem Gehazi in, “En un, ama tung panin ama hong puak san’ lohna tawh ka topa in Siria mi hih Na-aman khah hi. Topa in a nungta ahih mah bangin, ama nungah kei tai-in ama tung panin na khat peuhpeuh ka ngah ding hi,” a ci hi.

Luka 12:17

An teng koih nading om lo ahih ciangin, bang ka ci hih ding hiam ci-in a lungsim sungah a ngaihsun hi.

Mattiu 20:16

Tua mah bangin, a nunungte in a masa ding uh hi. A masate in a nunung ding uh hi,” ci-in a hilh hi.

Mattiu 21:11

mihonte in, “Hihpa in Galile gam Nazareth khua kamsangpa Zeisu hi,” a ci uh hi.

Luka 7:38

a nung lam pan a khe kiangah ding-in kap a, a khe khitui tawh kawtsakin, a sam tawh a nul hi. Ama khe zong nam a, paknamtui tawh a zut hi.

Luka 7:40

Zeisu in zong, “Simon aw, nangma kiangah kong gen ding khat a om hi,” a cih ciangin amah in, “Sia aw, hong gen in,” a ci hi.