Luka 7:37 - Tedim Bible

³⁷ Tua khua sungah numei gilo khat a om hi. Amah in Farisaipa’ innah Zeisu in an ne, ci-in a theih ciangin paknamtui suangngo thawl khat paipih a,

Tedim Bible Revision 2017

³⁷ Tua khua sungah a paktat numei khat om hi. Farisi mipaʼ inn ah Jesu in an ne-in a omna thu a zak ciangin paknamtui suangngo thawl a dim khat hong paipihin,

Luka 7:37 Referans Kwoze

Luka 5:32

Miphate sam dingin hong pai ka hi kei hi. Mawhneite sam dingin hong pai ka hi hi,” a ci hi.

Mattiu 21:31

Tua tate gel koi pen in a pa’ deihna banga ta ahi hiam?” ci-in a dot ciangin amaute in, “A tapa upa pen a ta hi,” a ci uh hi. Zeisu in, “Ke’n aman takpi kong cih-inah, phiangsiah dongte leh numei gilote in Pasian Gam sungah note sangin a lut masa zaw ding uh hi.

1 PETER MASA 4:18

“Mi dikte in gupna ngah nading haksa ahih leh, Pasian a nei lo, mawhna a nei mite in bang suak ding ahi uh hiam?”

Luka 18:13

Siahdongpa ahih leh, gamlapi-ah ding-in vantung lam nangawn en ngam loin a awm beengin, ‘Pasian aw, mawhnei keimah hong hehpih in,’ ci-in thu a ngen hi.

Luka 5:30

Farisaite leh laitheite in, “Note in siahdongte leh mawhneite tawh, bang hangin an nekhawm tui dawnkhawm na hi uh hiam?” ci-in a nungzuite a ko uh hi.

ROM (Romans) 5:8

eite in mawh nei i hih lai takin Khazih in eite tang ding si ahih ciangin Pasian in eite hong itna hong kilangsak hi.

Johan 11:2

Cinapa Lazaras’ sanggamnu Mari in Zeisu’ khe sathau nuh a, a sam tawh a nulsaknu hi.

1 TIMOTI MASA 1:15

Zeisu Khazih in mawhneite gum dingin leitungah hong paisuk hi, a cihna thu in thuman thutak hi a, a vekpi-in san’ ding a kilawm hi. Tua mawhnei mite lakah keimah in a mawhnei bel mi ka hi hi.

Johan 9:31

Pasian in mawhneite’ thu ngai lo hi ci-in eite i thei hi. Pasian zahtaka ama deihna a zui mite thu Pasian in a ngai hi.

Johan 9:24

Tua ahih ciangin, a mittaw ngeipa sam kik uh a, “Pasian phat in, hih mi in mawhnei mi ahih kote’n ka thei uh hi,” a cih uh ciangin,

Luka 19:7

Tua thu amaute in a muh uh ciangin, “Mawhneipa’ inn sungah a taam hi,” ci-in a zahko uh hi.

Luka 7:34

Mihing Tapa in an ne tui dawnin hong pai a, note in, ‘Hihpa in an hai zu haipa hi. Siahdongte leh migilote tawh zawlin a kiman hi,’ na ci uh hi.

Luka 7:36

Tua lai takin Farisaite khat in an vak dingin Zeisu a sap khit ciangin, tua Farisaipa’ inn sungah lutin an a ne hi.