Luka 7:34 - Tedim Bible

³⁴ Mihing Tapa in an ne tui dawnin hong pai a, note in, ‘Hihpa in an hai zu haipa hi. Siahdongte leh migilote tawh zawlin a kiman hi,’ na ci uh hi.

Tedim Bible Revision 2017

³⁴ Mihing Tapa hong pai leuleu a, zune anne-in a om ciangin, ‘Zuhai, anhai pa, siahdongte le midangte in a kikholh pih nop loh mite tawh a kikhawl pa,’ ci leuleu uh hi.

Luka 7:34 Referans Kwoze

Luka 15:2

Farisaite leh laitheite in , “Hihpa in migilote ngai a, amau tawh an a nekhawm hi,’ ci-in a ko uh hi.

Johan 12:2

Tua ciangin tuasan takah nitak an a vak uh hi. Martha in an a vak hi. Lazaras in Topa tawh an ne pawlte lakah a om hi.

Luka 19:7

Tua thu amaute in a muh uh ciangin, “Mawhneipa’ inn sungah a taam hi,” ci-in a zahko uh hi.

Luka 14:1

Nipi ni khatvei Zeisu in Farisaite upa khat’ inn sungah an ne dinga a lut ciangin, amaute in amah a en uh hi.

Luka 7:36

Tua lai takin Farisaite khat in an vak dingin Zeisu a sap khit ciangin, tua Farisaipa’ inn sungah lutin an a ne hi.

Luka 5:29

Levi in ama innah lawmvakna pawi a bawl hi. Siahdongte leh midang tampite in amaute tawh an ne-in a tu khawm uh hi.

Mattiu 9:11

Farisaite in a muh uh ciangin a nungzuite kiangah, “Na Siapa uh siahdongte leh mawhneite tawh bang hangin an ne khawm ahi hiam?” a ci uh hi.

Johan 2:2

Zeisu leh a nungzuite zong lawmvakna-ah a sam uh hi.

Luka 11:37

Tua thu a gen lai takin Farisaite khat in, Zeisu an vak dingin a sap leh, pai a, an ne dingin a sabuai ah a tu hi.

Mattiu 5:46

Hong itte bek na it uh leh, na gitna uh bang phattuamna na ngah ding uh hiam? Siahdongte in zong tua bang ahih uh hilo ahi hiam?

Mattiu 11:19

Mihing Tapa in an ne, tui dawnin hong pai a, amaute in, ‘Hih pa in an hai, zu haipa hi. Siahdongte leh mi gilote tawh zawlin a kiman hi,’ a ci uh hi. Ahih hangin lungpilna in a tate tung panin diksakna a ngah hi,” a ci hi.

Luka 7:33

Bang hang hiam na cih uh leh, baptaizpa Johan in an lum ne lo, leenggahtui dawn loin hong pai a, note in, ‘Hihpa dawilawm nei hi,’ na ci uh hi.

Luka 7:35

Lungpilna in a tate khempeuh tung panin diksakna a ngah hi,” ci-in a gen hi.