Luka 7:19 - Tedim Bible

¹⁹ Johan in ama nungzuite nih sam a, Topa kiangah sawlin, “Nangmah in hong pai dingpa taktak na hi hiam? A hih kei leh midang khat ka lamen lai ding uh hiam?” ci-in a dongsak hi.

Tedim Bible Revision 2017

¹⁹ Johan in zong ama nungzuite nih sam a, Topa kiangah amaute paisakin, “Johan in hong pai ding a cih pa mah na hi hiam, tua ahih kei leh a dang na lamen lai ding ka hi uh hiam?” ci-in a dong dingin a sawl hi.

Luka 7:19 Referans Kwoze

Johan 4:25

Numei in, “Khazih kici Messiah hong tung ding ke’n ka thei hi. Amah hong tun’ ciangin thu khempeuh hong hilh ding hi,” a ci hi.

Luka 10:1

Tua khit ciangin Topa in a dang sawmsagihte koih a, a pai nading khuapi, khuaneu tengah ama mai-ah nih tek, nih tekin a sawl hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Haggai 2:7

Minam khempeuh lokgawp ding ka hih manin, a neihsa uh sum leh paiite, hih munah hong kipuak ding a, biakinn sungah a dimin van hong om ding hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Joshua 2:1

Tua ciangin Nun tapa Joshua in Shittim panin thukanin mi nih sawl sim a, “Pai-in gam va en un la, a diakdiakin Jerikho khua hong en un,” a ci hi. Amaute pai uh a, Rahab min nei a paktat numei khat’ innah tungin giak uh hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Mangmuhna 11:3

Ka teci nihte zong thu ka pia ding a, amaute in khautang puan silhin ni tul khat, zanih leh sawmguk dongin kamsangte bangin thu a hilh ding uh hi,” hong ci hi.

Marka 6:7

Tua lai takin Zeisu in a nungzui sawm-le-nihte a sap khit ciangin, kihhuai dawite a zawh nading thu pia a, nih tek, nih tekin a sawl hi.

Luka 7:13

Zeisu in tua numei a muh ciangin hehpihhuaisa a, “Kap kei in,” a ci hi.

Luka 7:20

Tuate in Zeisu kiang a tun’ uh ciangin, “Nangmah in hong pai dingpa taktak na hi hiam? Ahih kei leh, midang ka lamen lai ding uh hiam? ci-in baptaizpa Johan in nangma kiangah kote hong dongsak hi,” a ci uh hi.

Luka 11:1

Zeisu in mun khatah thu ngen a, a tawp khit ciangin a nungzuite khat in, “Topa aw, Johan in ama nungzuite thunget nading ahilh mah bangin, kote zong hong hilh in,” ci-in a ngen hi.

Luka 11:39

Topa in, “No Faraisaite in hai leh dalkuangte a pua lam na silsiang uh hangin, na sung lam uh ah ngongtatna leh gitlohna tawh na kidim uh hi.

Luka 12:42

Topa in, “A topa in a hun a tun’ ciangin, a innkuanpihte’ annek tuidawn a hawmsak dinga a koih, a diktat a lungpil nasempa kua ahi hiam?

Luka 13:15

Ahih hangin Topa in, “Mi simtatte aw, no na vekpi-un Nipi ni-in na bawng ahi zongin, na la ahi zongin, buk sung pan khahkhia-in tui ne dingin paipih hilo na hi uh hiam?

Luka 17:5

Sawltakte in, “Komau’ upna khangsak ta in,” ci-in Topa kiangah a gen uh hi.

Luka 17:6

Topa in, “Note in ankamtang khat cia bang upna nei le-uhteh hih theikung kiangah, ‘Zung tawh kibotkhia-in tuipi sungah na po in,’ na cih uh leh, na thu uh a mang ding hi.”

Luka 18:6

Topa in, “Aman lo thukhen mangpa’ thugenna na ngaihsun un.

Luka 19:8

Zakkhias ding a, “Topa aw, keimah in ka neihsa kimkhat mizawngte ka pia ding hi. Mi khatpeuh na ka lakkhak leh, a zah li-in ka loh kik ding hi,” a ci hi.

Luka 22:61

Tua lai takin Topa kihei-in Piter a en hi. Piter in, “Tuni-in aak a khuan’ ma-in nang in thumvei nong nial ding hi,” Topa in a cihna thu a phawk kik hi.

Luka 24:34

Tuate in, “Topa thokik takpi a, Simon kiangah a kilang hi,” a cih uh ciangin,

Johan 4:1

Zeisu in Johan sangin nungzui tamzaw a suahsakna leh a baptaiz thu, Farisaite in thei cih Topa in a theih ciangin,

Johan 6:23

Amau in khomun a nekna phual uh tawh kinai Tiberias khua pan gunkuangte hong tung uh hi. Zeisu in a nungzuite tawh tua gunkuang sungah lut khawm loin, a nungzuite bek a pai uh a mu uh hi.

Johan 11:2

Cinapa Lazaras’ sanggamnu Mari in Zeisu’ khe sathau nuh a, a sam tawh a nulsaknu hi.