Luka 7:16 - Tedim Bible

¹⁶ Zeisu in tua pa a nu kiangah a pia hi. Mi khempeuh in lau uh a, “A lian mahmah kamsangpa in eite lakah hong piang zo hi. Pasian in ama mipawlte kiangah hong hawh zo hi,” ci-in Pasian’ min a phat uh hi.

Tedim Bible Revision 2017

¹⁶ Amaute khempeuh in lamdang sa mahmah uh a, Pasian min phatin, “Eite lakah kamsang lian khat hong om khinta a, a mite a hon khia dingin Pasian hong pai khinta hi,” a ci uh hi.

Luka 7:16 Referans Kwoze

Luka 7:39

Zeisu an a vak Farisaipa in a muh ciangin, “Hih mi in Pasian’ kamsangpa ahih takpi leh, a lawng hih numei in bang mi ahi, a gilo numei hi, ci-in a thei ding hi,” ci-in a lungsim sungah a gen hi.

Mattiu 9:8

Mihonte in a muh uh ciangin a lau uh a, hih bang bawl theih nading thu mi tungah a pia Pasian a phat uh hi.

Luka 1:68

“Israel mipawl’ Topa Pasian in thupha ngah ta hen.

Jeremiah 33:9

Jerusalem khuapi in kei adingin lungdamna, minphatna leh minthan’na ahi ding hi. A sunga om mite tungah hoihna leh hauhna ka tun’sakna thu a za minam dangte in lau-in a liing ding uh hi.

Luka 5:26

Tuate khempeuh in lamdang a sa uh a, Pasian a phat uh hi. “Eite in tuni-in nalamdang a tuam i mu zo hi,” ci-in a lau uh hi.

Luka 2:20

Tuucingte in amau kiangah a gensa mah bangin, a zaksa a muhsa uh khempeuhte hangin Pasian’ min phatna lasa-in a ciah uh hi.

Luka 1:65

A inn vengte khempeuh lau uh a, tua thu khempeuh Judah gam khamtung khempeuh ah kizeel hi.

Mattiu 21:11

mihonte in, “Hihpa in Galile gam Nazareth khua kamsangpa Zeisu hi,” a ci uh hi.

Mattiu 15:31

Zeisu in cinate a damsak hi. Mi pautheilote a pau thei uh hi; mi cingtak lote a cingtak uh hi; khezawte in lam a pai thei uh hi; mittawte in khua a mu kik thei uh, mihonpite in a muh uh ciangin lamdang a sa uh a, Israel pawlte’ Pasian’ min a phat uh hi.

Late 65:9

Nangmah in leitung en-in guah na zusak a, a hoihna lianpi-in na behlap hi; Pasian’ gunpi in tui tawh kidim hi; nangmah in amaute khaici na guan hi, tua ahih ciangin nangmah in na bawl khol hi.

Paikhiatna 4:31

Mite in um uh hi; Israel mite' kiangah Topa lungnuam loin, amau’ thuaknate amah in a muh khitna thu amaute in a zak uh ciangin, amaute in a lu uh kunin bia uh hi.

Galati 1:24

keimah hangin Pasian’ min a phat uh hi.

Sawltak 5:5

Ananias in tua thute a zak ciangin pukin a si hi. Tua thu a zate khempeuh in nakpi-in a lau uh hi.

Johan 9:17

Tua ciangin khatvei amau in, “Na mit hong vaksakpa kua tawh kibang ahi hiam? Bangci na ngaisun hiam?” ci-in mittaw ngeipa a dong uh hi. Amah in, “Pasian’ kamsangpa ahi hi,” a ci hi.

Johan 6:14

Tua bangin Zeisu in nalamdang a bawl tua mite in a muh uh ciangin, “Hih pa in leitungah hong pai ding Pasian’ kamsangpa taktak ahi hi,” a ci uh hi.

Johan 4:19

Numei in, “Topa aw, nangmah in Pasian’ kamsangpa na hih lam ka thei hi.

Johan 1:25

Amaute in, “Khazih hi lo, Elijah hi lo, kamsangpa hi lo na hih leh, bang dingin na baptaiz hiam?” ci-in a dongkik uh hi.

Johan 1:21

Tuate in zong, “Tua ahih leh, nang kua na hi hiam? Elijah na hi hiam?” ci-in a dot uh ciangin amah in, “Elijah ka hi kei hi,” a ci hi. “Pasian’ kamsangpa na hi hiam?” a cih uh ciangin, “Ka hi kei hi.” ci-in a dawngkik hi.

Luka 24:19

Zeisu in, “Bang thu ahi hiam?” ci-a a dot leh, tua pa in, “Nazareth mi Zeisu’ thu ahi hi. Tua pa in Pasian mai-ah ahi zongin, mite mai-ah ahi zongin, kam siamna leh khut siamna tawh a dim kamsangpa ahi hi.

Luka 9:19

amaute in, “‘Baptaizpa Johan,’ a ci uh hi. Kimkhatte in, ‘Elijah,’ a ci uh hi. Midangte in, ‘Tanglai kamsangte khatpeuh a hingkik hi,’ a ci ciat uh hi,” ci-in a gen uh hi.

Luka 8:37

Geresa gam mi khempeuhte in launa lungsim nei uh ahih ciangin, amaute kiang pan a paikhiat nading Zeisu a nget uh ciangin, gunkuang sungah tuangin a ciah hi.

Luka 5:8

Simon Piter in a muh ciangin Zeisu khuk kiangah bokin, “Topa aw, mawhnei mi ka hih ciangin ka kiang pan paikhia in,” a ci hi.

Mattiu 28:8

Tua numeite in launa tawh, nuamna tawh han panin a nungzuite thu ko dingin a tai mengmeng uh hi.

Sawltak 7:37

‘Pasian in na ute na naute lakah kei tawh kibang kamsangpa khat note ading kong piangsak ding hi,’ ci-in Israel mipawlte a genna mi in tua Moses ahi hi.

Luka 19:44

Nang akipan na sunga om na tate leitungah a kipuksak ding ni a hong tung ding a; na sunga suang khat tungah suang kiciang khat beek a omsak kei ding uh hi. Bang hang hiam na cih leh, Pasian hong hawhna hun na thei kei hi,” a ci hi.

Thu-hilhkikna 18:15

“Topa na Pasian un note lak ahi na sanggamte lak panun note adingin kei tawh a kibang kamsang khat hong khangsak ding hi—note in ama thu na ngai ding uh hi—

Luka 7:15

misipa tho a, thu a gen hi.