Luka 7:13 - Tedim Bible

¹³ Zeisu in tua numei a muh ciangin hehpihhuaisa a, “Kap kei in,” a ci hi.

Tedim Bible Revision 2017

¹³ Topa in tua meigongnu a muh ciangin a khasiat suak a, “Kap kei in,” ci-in a khem hi.

Luka 7:13 Referans Kwoze

Isaiah 63:9

Ama ompihna vantungmi in amaute honkhia hi. Ama itna leh ama hehpihna tawh amaute tankhia a, amah in a beisa hun lui khempeuh ah amaute domto-in a pua hi.

Late 103:13

Pa in a tate a hehpih bangin, Topa in amah a zahtakte hong hehpih hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Late 86:15

Ahih hangin Topa aw, nangmah in a hehpih thei, a dik Pasian na hi a, heh hak-in, itna kip leh thumanna tawh a kidim na hi hi.

Luka 8:52

Mi khempeuh in numeino hangin nakpi-in a kap uh a, thuumin a om uh hi. Zeisu in, “Kap kei un.

Jeremiah 31:20

Efraim, ka it ka tapa ahi hiam? Amah ka ngaihno ahi hiam? Bang hang hiam cih leh ama’ thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Late 86:5

Bang hang hiam cih leh Topa aw, nangmah hoih-in mawhna na maisak a, nangma tunga hong ngente khempeuh tungah itna kip tampi na nei hi.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Johan 20:15

Zeisu in, “Numei aw, bang hangin kap na hi hiam? Kua zong na hi hiam?” ci-in a dot leh, Mari in Zeisu pen huan cingpa a sak man-inah, “Topa aw, amah na paikhiatpih leh koi-ah na koih hiam hong gen in. Keimah in ka va la ding hi,” a ci hi.

Marka 8:2

“Hih mite hehpihhuai ka sa hi. Bang hang hiam na cih uh leh, ni thum tawntung kei tawh a omkhawm uh hi. An nek ding a nei kei uh hi.

Thukhente 10:16

Tua ahih ciangin amaute in amau’ lak panin gamdang pasiante koih khia-in Topa’ na sem uh hi; tua ciangin Israelte’ gentheihna-ah amah dah hi.

Johan 11:2

Cinapa Lazaras’ sanggamnu Mari in Zeisu’ khe sathau nuh a, a sam tawh a nulsaknu hi.

Luka 24:34

Tuate in, “Topa thokik takpi a, Simon kiangah a kilang hi,” a cih uh ciangin,

Luka 17:5

Sawltakte in, “Komau’ upna khangsak ta in,” ci-in Topa kiangah a gen uh hi.

1 KORIN MASA 7:30

a kapte in a kap lo mah bang ding uh hi; a lungdamte in a lungdam lo mah bang ding uh hi;

Johan 20:13

Amaute in, “Numei aw, bang hangin kap na hi hiam?” ci-a a dot uh ciangin Mari in, “Ka Topa a paikhiatpih zo uh a, koi-ah a koih uh cih ka thei kei hi,” a ci hi.

Luka 13:15

Ahih hangin Topa in, “Mi simtatte aw, no na vekpi-un Nipi ni-in na bawng ahi zongin, na la ahi zongin, buk sung pan khahkhia-in tui ne dingin paipih hilo na hi uh hiam?

Luka 10:1

Tua khit ciangin Topa in a dang sawmsagihte koih a, a pai nading khuapi, khuaneu tengah ama mai-ah nih tek, nih tekin a sawl hi.

Luka 7:19

Johan in ama nungzuite nih sam a, Topa kiangah sawlin, “Nangmah in hong pai dingpa taktak na hi hiam? A hih kei leh midang khat ka lamen lai ding uh hiam?” ci-in a dongsak hi.

1 THESALONIKA MASA 4:13

Ute naute aw, muan’na a nei lo midangte a dah bangun note in na dah loh nadingun a si mite’ thu thei loin na om ding uh ka deih kei uh hi.

Luka 22:61

Tua lai takin Topa kihei-in Piter a en hi. Piter in, “Tuni-in aak a khuan’ ma-in nang in thumvei nong nial ding hi,” Topa in a cihna thu a phawk kik hi.

Luka 7:12

Khua kongpi kiang a tun’ uh ciangin, numei in ta khat bek a neih si a, a luang a puakkhiat lai tak uh ahi hi. Tua numei in meigong hi a, khuapihte tampi amah tawh a paikhawm uh hi.

Luka 7:14

A khut tawh lang lawng a, a puate a khawlsak hi. Zeisu in, “Tangvalpa aw, tho in ci-in nangma kiangah kong ci hi,” a cih leh,

Luka 11:1

Zeisu in mun khatah thu ngen a, a tawp khit ciangin a nungzuite khat in, “Topa aw, Johan in ama nungzuite thunget nading ahilh mah bangin, kote zong hong hilh in,” ci-in a ngen hi.

Luka 11:39

Topa in, “No Faraisaite in hai leh dalkuangte a pua lam na silsiang uh hangin, na sung lam uh ah ngongtatna leh gitlohna tawh na kidim uh hi.

Luka 12:42

Topa in, “A topa in a hun a tun’ ciangin, a innkuanpihte’ annek tuidawn a hawmsak dinga a koih, a diktat a lungpil nasempa kua ahi hiam?

Luka 17:6

Topa in, “Note in ankamtang khat cia bang upna nei le-uhteh hih theikung kiangah, ‘Zung tawh kibotkhia-in tuipi sungah na po in,’ na cih uh leh, na thu uh a mang ding hi.”

Luka 18:6

Topa in, “Aman lo thukhen mangpa’ thugenna na ngaihsun un.

Luka 19:8

Zakkhias ding a, “Topa aw, keimah in ka neihsa kimkhat mizawngte ka pia ding hi. Mi khatpeuh na ka lakkhak leh, a zah li-in ka loh kik ding hi,” a ci hi.

Luka 24:3

a sungah a tum uh leh, Zeisu’ luang a mu kei uh hi.

Johan 4:1

Zeisu in Johan sangin nungzui tamzaw a suahsakna leh a baptaiz thu, Farisaite in thei cih Topa in a theih ciangin,

Johan 6:23

Amau in khomun a nekna phual uh tawh kinai Tiberias khua pan gunkuangte hong tung uh hi. Zeisu in a nungzuite tawh tua gunkuang sungah lut khawm loin, a nungzuite bek a pai uh a mu uh hi.

Johan 11:3

Tua hi a, a sanggamnute in Zeisu kiangah mi sawl uh a, “Topa aw, na itpa cina-in a om hi,” ci-in a ko uh hi.