Luka 6:48 - Tedim Bible

⁴⁸ Amah in inn a lam ciangin, thukpi-in to a, suang tungah khuam a phut mi tawh kibang hi. Tui a khan’ ciangin hawktui in tua inn a nawt hangin, pha takin kilam ahih ciangin a liingsak zo kei hi.

Tedim Bible Revision 2017

⁴⁸ suang tungah inn lamin, a khuam kua ding suang sung thukpi tak to-in a phut pa tawh kibang hi. Tui a khan ciangin tui in tua inn a nawk hangin limtakin kilam ahih manin susia zo lo hi.

Luka 6:48 Referans Kwoze

Late 62:2

Ka suangpi, ka kihotkhiatna, ka munkip muan’huai in amah bek hi a, kei ka kinak lin' kei ding hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi: Tua suang tungah, ‘Hih a um mi in lungkhamna tuak lo ding hi,” ci-in kigelh hi.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

Isaiah 26:4

Topa Pasian in tawntung Suangpi ahih manin, Topa muang tawntung un.

Efesa 2:20

Bang hang hiam na cih uh leh, sawltakte-a kipan kamsangte ahi, khuam tungah note in zomin a kilam mi na hi uh hi. Khazih in tua innkiunuai suang ahi hi.

1 JOHAN MASA 2:28

Ka ta neute aw, Tapa hong pai a, hong kilat ciangin eite in maizumna om loin, lungmuan’na tawh ama kiangah i om theih nadingin ama sungah kipin om un.

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

Late 32:6

Tua ahih ciangin nangmah hong kimuh theih lai-in mi hoih khempeuh, nangma tungah thu kingensak in; tua hi leh tuikhang in amaute ban lo ding hi.

2 SAMUEL NIHNA 22:32

“Topa longal, Pasian kua hiam? I Pasian simloh, suangpi kua hiam?

Paunak 10:25

Huihpi a nun’ ciangin migilote len’mang a, thuman mite lungmuangin om tawntung uh hi.

2 SAMUEL NIHNA 22:47

“Topa hing hi; ka Suangpi in pahtawina ngah hen la, amah in ka Pasian, ka kihotkhiatna Suangpi, ahi hi.

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

2 PETER NIHNA 1:10

Tua ahih ciangin ute naute aw, note hong sapna leh hong teelna kipsak nadingin, nakpi-in hahkat zaw un. Tua bang na hih uh leh, na puk ngei kei ding uh hi.

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Nahum 1:8

Tuikhang in a suksiat bangin a langte susiagawp a, a galte, khuamial sungah nawhkhia hi.

Late 95:1

Hong pai un, Topa phat ni; eite a hong hu, a hong honkhia pa tungah lungdamna la sa ni.

2 SAMUEL NIHNA 22:5

“Bang hang hiam cih leh sihna tuihualte in kei hong tuum a, siatna tuikhang in kei hong nawk hi;

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

2 SAMUEL NIHNA 23:3

Israel Pasian kampau khin a, Israel Suangpi in kei kiangah hong ci khin hi: Mi khat in mite tungah thutang takin ukin Pasian zahtakna tawh a uk ciangin,

2 SAMUEL NIHNA 22:2

Amah in, “Topa in ka suangpi leh ka kulhpi, leh keimah honkhiapa,

1 SAMUEL MASA 2:2

“Topa bangin a siangtho kuamah om lo a, nang sim loh kuamah dang om lo hi; i Pasian tawh a kibang hong hu zo Suangpi dang om lo hi.

Thu-hilhkikna 32:31

Bang hang hiam cih leh i galte’ suangpi in eite’ Suangpi bang hi lo a, i galte thungetna a mawkna ahi hi.

Thu-hilhkikna 32:18

Note a hong Honkhiapa na phawk kei uh a, note hong suaksak Pasian na mangngilh uh hi.

Luka 6:47

Ka kiangah hong pai a, ka thu za a, a ngaite khempeuh in, kua mi tawh kibang ahih lam kong lak ding hi.

Luka 6:49

Ka thu a zak ciangin a zui lo mi in, khuam phut lo lei tungah inn a lam mi tawh kibang hi. Hawktui in tua inn a nawk ciangin thakhatin a puk hi. Tua inn siatna in siatna lian ahi hi,” ci-in a gen hi.