Luka 6:42 - Tedim Bible

⁴² Na mit sungah singluang om napi-in na u na nau kiangah, ‘Unau aw, na mittang sungah a om ninneng tang hong paaikhiasak in,’ bang hangin ci na hi hiam? Nang mi simtatpa aw, na mit sungah a om singluang paaikhia masa in. Tua khit ciangin, na u na nau’ mit sunga ninneng tang paihkhiat ding na tel muh thei ding hi.”

Tedim Bible Revision 2017

⁴² Na mit sunga singluang hong tang nangawn mu lo napi-in, ‘Lawm aw, na mit sunga ninthem tang hong lakkhiatsak ning,’ ci-in na lawmte kiangah bangci gen theih ding na hi hiam? No a kineihkhemte aw, na mit sung uh a singluang tang la khia masa le-uhcin, na lawmte uh mit sunga ninthem tang mu-in na la khia thei pan ding uh hi.”

Luka 6:42 Referans Kwoze

2 PETER NIHNA 1:9

Tua gamtat pha a nei lo mi in mittaw a, a muhna tom a, ama mawhna luite sawp siangna thu a mangngilh hi.

2 TIMOTI NIHNA 2:21

Tua ahih ciangin tua nate tawh ama pumpi a kisiangthosak mi in minthan’na na, siangthona na, inn neipa zat ding a kilawm na, nasepna pha pawl khempeuh ading a suak ding hi.

2 KORIN NIHNA 5:18

Na khempeuh Pasian panin a piang hi. Pasian in Khazih hangin amah tawh hong kilemsak a, tua kilemna thu tawh kipawl nasepna za kote hong pia hi.

ROM (Romans) 2:1

Tua ahih ciangin midangte thukhenpa aw, na kisuahtak thei kei ding hi. Bang hang hiam na cih leh, midangte tungah thu na khen bangin nangmah in na hih ahih ciangin midangte thu na khenna in nangma mawhna om hi cih thukhen na suak hi.

Sawltak 13:10

“Thuzuaute leh kheemna pawl khempeuh tawh a dim, dawimangpa’ ta, thuman thutak’ gal aw, Pasian’ Lampi tang siasak dingin tawp lo ding na hi hiam?

Sawltak 8:21

Nang in hih thu tawh na kikum na kituak kei hi. Bang hang hiam na cih leh, nangma lungsim in Pasian mai-ah a man kei hi.

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Luka 22:32

Ahih hangin nangma upna a siat loh nadingin ke’n thu kong ngetsak zo hi. Na kikheel kik khit ciangin ute naute na kipsak in,” a ci hi.

Luka 13:15

Ahih hangin Topa in, “Mi simtatte aw, no na vekpi-un Nipi ni-in na bawng ahi zongin, na la ahi zongin, buk sung pan khahkhia-in tui ne dingin paipih hilo na hi uh hiam?

Mattiu 26:75

Piter in, “Ak khuan’ ma-in nang in thumvei nong nial ding hi,” Zeisu in a cihna thu a phawk ciangin pusuak a, nakpi-in a kap hi.

Paunak 18:17

Thukhenna zumah, a langpa in a thuk mateng, a gen masapa a thuman tawh kibang hi.

Mattiu 7:3

Na mit sunga singluang lungngai loin na u na nau’ mit sunga ninneng tang bang hangin na en hiam?

Mattiu 7:4

Na mit sungah singluang om napi-in na u na nau kiangah, ‘Na mit sungah a om ninneng tang hong paaikhiasak in,’ bang hangin ci na hi hiam?

Luka 6:41

Na mit sungah singluang lungngai loin, na u na nau’ mit sungah ninneng tang bang hangin na en hiam?

Luka 6:43

“Gah hoih lo a gah singkung hoih a om kei hi. Gah hoih a gah kung hoih lo a om kei hi.