Luka 6:41 - Tedim Bible

⁴¹ Na mit sungah singluang lungngai loin, na u na nau’ mit sungah ninneng tang bang hangin na en hiam?

Tedim Bible Revision 2017

⁴¹ “Bang hangin na mit sungah singluang a tang phawk kha loin na lawmteʼ mit sunga ninthem tang etsak na hi hiam?

Luka 6:41 Referans Kwoze

Johan 8:7

Amaute in a dot sawnsawn uh ciangin ding a, “Note lakah mawh nei lo mi khat in numei suang tawh deeng masa hen,” a cih khit ciangin,

Jeim 1:24

Bang hang hiam na cih uh leh, a mai a et khit ciangin mun dangah pai-in ama meel bang ci bang mi ahi hiam cih a mangngilh pah hi.

ROM (Romans) 2:1

Tua ahih ciangin midangte thukhenpa aw, na kisuahtak thei kei ding hi. Bang hang hiam na cih leh, midangte tungah thu na khen bangin nangmah in na hih ahih ciangin midangte thu na khenna in nangma mawhna om hi cih thukhen na suak hi.

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Ezekiel 18:28

Amah in a gamtatna phawkin a mawh bawlna khawl hi. Tua ahih manin amah si het lo ding a, nungta paisuak ding hi.

Late 36:2

Bang hang hiam cih leh ama mawhna kidawk khia lo, muhdahna thuak lo ahih manin amah kimawk phat tawm hi.

1 KHANG TANGTHU MASATE 21:6

Ahih hangin Joab in kumpipa’ thupiakna hoih sa het lo ahih manin a simna ah Levi minam leh Benjamin minamte hel lo hi.

1 KUMPI MASATE 2:32

Topa in ama mawhna ama lu tang mah ah tungsak kik ding hi; bang hang hiam cih leh ka pa David’ theih lohin amah in Israel galkapte a uk Jether’ tapa Amasa, amah sangin thuman zaw-in a hoihzaw ahi mihing nih do-in namsau tawh that hi.

Mattiu 7:1

“Thukhenna tawh na kipelh theih nadingun midangte’ thu na khen kei un.

Luka 6:40

A nungzuite in a siapa sangin lianzaw lo hi. Ahih hangin a kicingsa-a om a nungzui khempeuhte in a siapa mah bangin ahi ding uh hi.

Luka 6:42

Na mit sungah singluang om napi-in na u na nau kiangah, ‘Unau aw, na mittang sungah a om ninneng tang hong paaikhiasak in,’ bang hangin ci na hi hiam? Nang mi simtatpa aw, na mit sungah a om singluang paaikhia masa in. Tua khit ciangin, na u na nau’ mit sunga ninneng tang paihkhiat ding na tel muh thei ding hi.”

Marka 8:7

Ngasa tawmkha nei uh ahih ciangin, hehpihna a phat khit ciangin, tuate zong mite lui ding thu a pia hi.