Luka 6:39 - Tedim Bible

³⁹ Tua lai takin Zeisu in thugentehna a hilh-inah, “Mittawte in mittawte lam a hilh zo ding hiam? A nih mahin leihawm sungah kia ding hilo ahi uh hiam?

Tedim Bible Revision 2017

³⁹ Tua ciangin Jesu in amaute kiangah thu gentehna khat zong gen a, “Mittaw khat in mittaw dang khat lam paipih thei lo hi. Paipih zenzen leh a nih tuakun hawkguam ah kia khawm ding uh hi.

Luka 6:39 Referans Kwoze

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

2 TIMOTI NIHNA 3:13

A gilo leh mi kheem thei mite a hih uh leh, gilo semsem ding uh a, midangte kheemin, amau mahmah zong a kikheem ding uh hi.

Isaiah 56:10

Ama galvilte mit taw uh a, amaute khempeuh in bangmah thei lo uh hi, amaute khempeuh ui a ham thei lote hi uh a, amaute in tawng thei lo uh hi, mot paupau, lum lum, lu su-su-in om nuam sa uh hi.

Isaiah 9:16

bang hang hiam cih leh hih minam a makaihte in lam khialsak a, amaute’ makaite in lampialsak uh hi.

Mattiu 23:33

Mualtan’ suante aw, note in hel khua khiat ding thu tan’na bangci na suakta thei ding uh hiam?

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh hi; kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi, Topa in kong ci hi.

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh hi, kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi,” Topa in hong ci hi.

ROM (Romans) 2:19

mittawte lam hilh mi, khuamial sungah a omte khuavaksak mi,

Mattiu 13:3

Zeisu in thugentehna tawh thu tampi a hilhinah,