Luka 6:35 - Tedim Bible

³⁵ Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Tedim Bible Revision 2017

³⁵ Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian dinga, a Lianpen Pasianʼ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

Luka 6:35 Referans Kwoze

Johan 13:35

Note khat leh khat na ki-it uh leh, mite khempeuh in note ka nungzuite na hih lam uh a thei ding uh hi,” a ci hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Late 145:9

Topa pen mi khempeuh tungah hoih a, ama bawlsate khempeuh tungah ama hehpihna om hi.

Paunak 22:9

A cingh mite in mizawngte an pia a, amah in thupha ngah kik hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Late 112:5

Cingh gamtatin mi tungah leitawi pia a, thutangin a gamta mipa tungah thu hoih hi.

Johan 15:8

Note in tampi na gah uh leh, ka Pa’ minthan’na na kilangsak ding uh a, note in ka nungzuite na hi takpi ding uh hi.

Late 37:26

Amah in mi citpiak ngitnget-in, mi tungah leitawi pia khia a, a tate zong thupha ngah mi a suak hi.

Sawltak 14:17

Ahih hangin tecipan’na om loin amahmah a kinusia kei hi; amah in ama gitna hong lakin, vantung pan guahtui leh amau hun ciat a, a gah an hong pia hi; amah in an tampi hong pia-in na lungtang uh lungnopna tawh hong dimsak hi,” a ci hi.

Luka 1:32

Tua ta in milian hi ding a, Sang Bel Pasian’ Tapa kici ding hi. A pa David’ tokhom Pasian in pia ding a,

Marka 5:7

“A sang bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin, Pasian’ min tawh thu kong pia hi!” ci-in nakpi-in a kiko hi.

Late 58:11

Mite in, “Thuman mi’ ading noptuamna om taktak a, leitunga thukhen Pasian khat om taktak hi,” ci ding uh hi.

Mattiu 5:9

“Mi kitawng kilemsak kik theite in thupha a ngah ding uh hi. Bang hang hiam na cih uh leh, Pasian’ tate cihna a ngah ding uh hi.”

Luka 6:36

Na Pa un hehpihna lungsim a neih bangin note in zong hehpihna lungsim na nei un.”

2 TIMOTI NIHNA 3:2

Bang hang hiam cih leh, mite in amau pumpi uh it mi, sum it mi, a kisathei mi, lungkhauh mi, mi gensia thei mi, a nute a pate thu a mang lo mi, hehpihna a phawk lo mi, a siangtho lo mi,