Luka 6:30 - Tedim Bible

³⁰ A hong ngen khempeuhte na pia un. Na sum a late kiangah, na sum na ngen kik kei un.

Tedim Bible Revision 2017

³⁰ A hong ngente peuhmah na pia unla, na na uh a hong laksakte tung panin lakik kei un.

Luka 6:30 Referans Kwoze

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Sawltak 20:35

Tua bangin note in na nasep uh a, thahat lo mite na huh ding uh a, ‘Ngahna sangin piakna-ah thupha lianzaw hi,’ ci-in Zeisu in a genna kammal na ngaihsut dingun na khempeuh ah note kiangah thugentehna kong lak zo hi,” ci-in a gen hi.

Mattiu 6:12

Kote tungah hong mawhte ka maisak uh bangin, Kote mawhna zong hong maisak ta in.

Luka 18:22

Zeisu in tua a zak ciangin, “Na khat na sam lai hi. Na neihsa teng zuak in la, mizawngte kiangah na hawmsak in. Tua hi leh, vantungah sum na nei ding hi.Tua khit ciangin ka nung hong zui in,” a ci hi.

Paunak 21:26

Mihoih lote in lungkim hun nei loin deih thuah tawntung a, mihoihte cingh-in, piakhia tawntung uh hi.

Late 41:1

Mi gentheite a khual mi in thupha ngah ahi hi. Topa in haksatna hunah amah honkhia hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Luka 12:33

Na neihsa teng zuak un la, hehpihna na pia un. A lui thei lo dangka-ip na bawl un. Gutate’n naih zo lo a, nget in a suksiat theih lohna vantungah a bei thei lo sum na khol un.

Luka 11:41

Ahih hangin kuang sunglam a om nate mizawngte na pia un. Tua bang na hih uh leh, na khempeuh note mai-ah a siangtho ding hi.”

Luka 6:38

Midangte na piak uh leh, note hong kipia ding hi. Seeng a, teh hoih bek tham lo, a kinengcip, a kilok a kitat a dimlet a, om na ang sung uh ah hong kisung ding hi. Bang hang hiam na cih uh leh, midangte na piakna uh seengin, note zong hong kipia kik ding hi,” a ci hi.

Mattiu 18:35

Note in zong na u na nau uh’ khialhna na lungsim panun maisak kei le-uh teh, vantung khua-ah a om ka Pa in tua kumpipa mah bangin, note khempeuh tungah hong bawl ding hi.” a ci hi.

Thuhilh-sia 8:16

Pil ding hahkatin, leitunga thupiangte ka theih ciangin, sun leh zanin ihmu lo liangin i om hangin,

Paunak 22:9

A cingh mite in mizawngte an pia a, amah in thupha ngah kik hi.

Late 112:9

Amah in hawmkhia zuahzuah a, mizawngte tungah pia khin hi; ama migitna kip tawntung a, amah vanglianin, kipahtawi ding hi.

Efesa 4:28

Nidang lai-a guta mi in gu nawn loin, sapna neite a hop zawh, a piak zawh nadingin ama khut tawh nasepna a hoih hahkatin sem ta hen.

Thuhilh-sia 11:2

Na neihsate, mun sagih ahi a, mun giat-ah ahi zongin khen kawikawi in. Hih leitungah bang thusia hong piang ding cih na thei khol kei hi.

Mattiu 5:39

Ke’n kong cih-inah, a gilo mi na thukkik kei un. Na pang taklam mi khatpeuh in hong bet leh, pang langkhat zong na dawh lai un,

Luka 6:29

Hong bawlsiate ading thu na ngetsak un. Na pang langkhat hong bengte, pang langkhat zong na bengsak un. Na puanza a late, na puan ak lak ding na khaam kei un.

Luka 6:31

Note tungah hong kibawl ding na deih bangun, mite tungah zong na bawl un.