Luka 6:29 - Tedim Bible

²⁹ Hong bawlsiate ading thu na ngetsak un. Na pang langkhat hong bengte, pang langkhat zong na bengsak un. Na puanza a late, na puan ak lak ding na khaam kei un.

Tedim Bible Revision 2017

²⁹ Na paang lang khat a hong bengte, a lang khat zong na dawh lai un. Na puan tungsilh uh a hong sutte tungah, na puan sungsilh uh zong na pia thuah lai un.

Luka 6:29 Referans Kwoze

Hebru 10:34

Tua lai-in note in khihna a thuak mite na khasiat uh tham loin, neihsa a phazaw a kip tawntung sum a om hi ci-in thei-in na sum na paite uh hong kisuh ciangin na lungdam uh a, na mang uh hi.

2 KORIN NIHNA 11:20

Mi khat in note sila hong suaksak ahi zongin, hong ne ahi zongin, hong man ahi zongin, a kiphasak ahi zongin, na biang uh hong beeng ahi zongin na thuak uh hi.

1 KORIN MASA 6:7

Tua bangin note in khat leh khat na kitot uh ciangin na guallelhna uh a kilang mahmah hi. Thuum loin bawlsiatna bang hangin thuak zaw lo na hi uh hiam? Bang hangin sum zatna thuak zaw lo na hi uh hiam?

Johan 18:22

Tua bangin a dawn’ ciangin, a kianga ding nasemte khat in, “Tua bangin siampi ukpa na dawngkik hiam?” ci-in a khut tawh Zeisu a beeng hi.

Mattiu 26:67

Tua lai takin amau in Zeisu’ maitang cil tawh phih uh a, khut tumin a tum uh hi. Kimkhat in khutpeek-in a beeng uh hi.

Kah la 3:30

Guallel-in bawlsiatna thuak taleng tua banga om lel ding ahi hi.

Isaiah 50:6

Hong satte tungah ka nung ka dawh a, ka khamul hong kai mite tungah ka paang ka dawh hi; maizumna leh cilphihna panin ka maitang ka hei kei hi.

1 KORIN MASA 4:11

Tu hun dongin gil kialin, dangtakin, puansilh nei loin, satna leh bawlsiatna thuakin ka om uh hi. Inn zong ka nei kei uh hi.

Luka 22:64

A maitang a tuam khit uh ciangin, “Nang kua in hong beeng hiam? Kamsangte bangin hong gen in,” a ci uh hi.

Sawltak 23:2

siampi mangpa Ananias in, “Ama muk sat un,” ci-in a kiangah a dingte thu a pia hi.

Micah 5:1

Jerusalem khuamite aw, na kulh sung uhah lut un. Eite hong ki-umcih a, Israel makaipa’ biang ciang tawh sat ding uh hi.

2 KHANG TANGTHU NIHNATE 18:23

Tua ciangin Khen-anah’ tapa Zedekiah a nai-ah hong pai-in Mikaiah a paang bengin, “Cik hun akipanin Topa’ Kha in kei hong nusia-in, nang tungah thu hong gen ahi hiam?” a ci hi.

2 SAMUEL NIHNA 19:30

Tua ciangin Mefibosheth in kumpipa kiangah, “Aw, ka to kumpipa lungnuamin inn hong tung khin ahih nungsang, a vekin amah la sak in,” a ci hi.

Luka 6:30

A hong ngen khempeuhte na pia un. Na sum a late kiangah, na sum na ngen kik kei un.