Luka 6:28 - Tedim Bible

²⁸ Hong phuisamte tungah thupha na pia un.

Tedim Bible Revision 2017

²⁸ No hong phuisamte thupha na pia unla, no hong bawlsiate ading thu na ngetsak un.

Luka 6:28 Referans Kwoze

1 PETER MASA 3:9

Kitawng thuk kei un, kikosia kik kei un. Thupha na kipia un. Bang hang hiam na cih uh leh, note in thupha na luah nadingun hong sapsa mite na hi uh hi.

1 KORIN MASA 4:12

Ka khut uh tawh gimpi-in na semin ka om uh hi. Hong kikosiat ciangin thupha pia-in ka thuk uh hi. Hong kibawlsiat leh, ka thuak uh hi.

ROM (Romans) 12:14

No hong bawlsiate thupha na pia un. Hamsiat loin thupha na pia un.

Jeim 3:10

Kam khat bek panin phatna leh samsiatna a paikhia thei mawkmawk hi. Ka u ka naute aw, tua banga hih ding kilawm lo hi.

Luka 23:34

Zeisu in, “Pa aw, amau in bang ahih uh cih thei lo ahih uh ciangin amau mawhna na maisak in,” a ci hi. Amau in lai aisaan-in a puante a hawm uh hi.

Luka 6:27

Ka kam a za note kiangah kong cih-inah, na galte na it un. Hong mudahte tungah thupha na bawl un.

Mattiu 5:44

Ke’n kong cih-inah vantungah a om na Pa uh Pasian’ tate na suah nadingun na galte na it un. Hong bawlsiate ading thu na ngetsak un.

Sawltak 7:60

khukdin’a, “Hih khialhna tawh amaute na mawhsak kei in,” ci-in nakpi-in a kiko khit ciangin a si hi.

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Sawltak 14:5

Gentailte leh Judahte in upate tawh bawlsia uh a, suang tawh a deng dingin nakpi-in a delh ding uh,

Ezekiel 36:5

Topa Pasian ahi keimah in a kimkot-a om minam dangte, leh a diak diakin Edom mite tungah ka heh luatna tawh thu ka gen hi. Amaute in lungdamin nuihna leh simmawhna tawh keima leitang la-in tang uh hi.

Ezekiel 25:15

Topa Pasian in kei kiangah thu hong gen a, “Filistia mite in gal-in a neih tawntung mite uh tungah phu nasia lakin hehna tawh susia gawp uh hi.

1 KUMPI MASATE 13:6

Tua ciangin kumpipa in Pasian’ mipa kiangah, “Tu-in Topa na Pasian’ maipha kunh in la, ka khut a ngei a bat nadingin kei adingin thu hong ngetsak in,” a ci hi. Tua ciangin Pasian’ mipa in Topa tungah kunh hi; tua kumpipa’ khut a ngei bang kik a, a ni danga mah hong bang hi.