Luka 6:27 - Tedim Bible

²⁷ Ka kam a za note kiangah kong cih-inah, na galte na it un. Hong mudahte tungah thupha na bawl un.

Tedim Bible Revision 2017

²⁷ “Ahi zongin ka thugen a za note kiangah kong cih in ah: Na galte uh na it unla, no hong mudah mite tungah a pha na bawl un.

Luka 6:27 Referans Kwoze

1 THESALONIKA MASA 5:15

Mi dangte tungah hehna na thukkik loh nadingun na kikeem un. Khat leh khat tungah ahi zongin, mi khempeuh tungah ahi zongin thuhoih lamsang hahkat tawntungin na bawl un.

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Paunak 24:17

Na galte in gimna a ngah ciangin lungdam kei in la, a puk uh ciangin kipak kei in.

Galati 6:10

Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

Marka 4:24

Zeisu in, “Note in bang na ci zak uh hiam ci-in na kikeem ta un. Midangte na piakna uh seeng mahin no zong hong kipia kik ding a, a tam zawin a hong pia ding hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 7:60

khukdin’a, “Hih khialhna tawh amaute na mawhsak kei in,” ci-in nakpi-in a kiko khit ciangin a si hi.

Luka 23:34

Zeisu in, “Pa aw, amau in bang ahih uh cih thei lo ahih uh ciangin amau mawhna na maisak in,” a ci hi. Amau in lai aisaan-in a puante a hawm uh hi.

Luka 8:18

Tua ahih ciangin note in bangci na zak uh hiam, na kikeem un. Bang hang hiam na cih uh leh, a neite kipiak beh ding hi. A nei lote kiang pan a neihsa a upmawh nangawn kilakhia ding hi,” ci-in thu a hilh hi.

Luka 8:15

Lei hoih ah a kiate in, thuman leh apha lungsim tawh thu a zak khit uh ciangin keem uh a, lungkipin a gahte ahi uh hi.”

Luka 8:8

Kimkhattte in lei hoihna-ah kia a, kung po a, a zah zakhat a gah hi,” ci-in a gen khit ciangin, “Zak nading bil a nei teng in na za ta un!” ci-in a kiko hi.

Luka 6:22

Mite in Mihing Tapa hangin note muhdah uh a, hong hawlkhiat uh a, hong kosiat uh a, na min uh hong siatsak ciangin, thupha na ngah ding uh hi.

3 JOHAN THUMNA 1:11

Ka it mi aw, a sia lam zui kei in, a hoih lam zui in. A hoih a gamta mi in Pasian tawh kipawl hi. A hoih lo a a gamta mi in Pasian a mu nai kei hi.

Paunak 25:2

Pasian in thu a ip manin minthang a, kumpite in thu a gen khiat manin minthang hi.

Late 7:4

thu om lopi-in ka lawmte kheemin, ka galte ka huh tak leh,

1 KUMPI MASATE 13:6

Tua ciangin kumpipa in Pasian’ mipa kiangah, “Tu-in Topa na Pasian’ maipha kunh in la, ka khut a ngei a bat nadingin kei adingin thu hong ngetsak in,” a ci hi. Tua ciangin Pasian’ mipa in Topa tungah kunh hi; tua kumpipa’ khut a ngei bang kik a, a ni danga mah hong bang hi.

Sawltak 16:28

Ahih hangin Paul in, “Nang tungah bangmah na hih kei in, kote khempeuh ka om uh hi,” ci-in nakpi-in a kiko hi.