Luka 6:26 - Tedim Bible

²⁶ Mi khempeuh in note hong phat ciangin, gimna na thuak ding uh hi. Bang hang hiam na cih uh leh, a pute a pate un thuzuau kamsangte tungah tua bangin a bawl uh hi.

Tedim Bible Revision 2017

²⁶ “Mi khempeuh in note hong pahtakbawl ciangin gimna a thuak ding na hi uh hi. Bang hang hiam cih leh a pu a pate un zong tua bangmahin kamsang zuaute a pahtakbawl uh hi.

Luka 6:26 Referans Kwoze

Johan 15:19

Note in leitung mite tawh na kipawl uh leh, leitung mite in amau mipawl note hong it ding uh hi. Ahih hangin leitung mite lak pan note kong teelkhia hi; leitung mite tawh na kipawl kei uh a, tua ahih ciangin leitung mite in no hong mudah uh hi.

Jeim 4:4

Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.

Mattiu 7:15

“A sungah hangsan ngia hi napi-in tuuvun silh a, no kiangah hong pai thuzuau hilhte na kingaihsun un.

Micah 2:11

Zuau genin khemna tawh thu gen kawikawi a, “Note adingin leenggahzu leh kham theih zu tampi tak hong om ding hi,” a hong ci kamsangte pawl note’ deih kamsangte ahi hi.

Isaiah 30:10

amaute in thu mutheite tungah, “Mu nawn kei un,” ci-in, kamsangte tungah “Kote’ tungah thuman hong gen kei un; kote’ tungah thuzol bek hong gen un la, thutak ahi lote genkhol un,

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Johan 7:7

Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.

ROM (Romans) 16:18

Bang hang hiam na cih uh leh, eite Topa Khazih’ na sem loin amau gilpi na bek a sem uh a, kamsiam leh kamzol tawh a pha mite a kheem thei uh hi.

Paunak 27:21

Ngun leh khamte, meikhuk-ah kize-et a, mihing ahih leh phatna tawh kize-et hi.

Luka 6:25

Tu lai takin an kham note in gimna na thuak ding uh hi. Bang hang hiam na cih uh leh, note na gilkial ding uh hi. Tu lai taka nui note in gimna na thuak ding uh hi. Bang hang hiam na cih uh leh, note in thuumin na kap ding uh hi.