Luka 6:25 - Tedim Bible

²⁵ Tu lai takin an kham note in gimna na thuak ding uh hi. Bang hang hiam na cih uh leh, note na gilkial ding uh hi. Tu lai taka nui note in gimna na thuak ding uh hi. Bang hang hiam na cih uh leh, note in thuumin na kap ding uh hi.

Tedim Bible Revision 2017

²⁵ Tuhunin a gilvah note in gilkial gimna na thuak ding uh hi. Tuhunin a lungdam note dahin na kap ding uh hi.

Luka 6:25 Referans Kwoze

Isaiah 65:13

Tua ahih ciangin Topa Pasian in hih bangin ci hi: En un, ka nasemte in ne ding a, ahih hangin note na gilkial ding uh hi; en un, ka nasemte in dawn ding uh a, ahih hangin note na dangtak ding uh hi; en un, ka nasemte lungdam ding uh a, ahih hangin note na mai uh zum ding hi;

Jeim 4:9

Lunggimna thuakin, thuumin, kapin, om un. Note’ nuihna pen dahna suahsak un. Note’ lungdamna uh zong dahna suaksak un.

Paunak 14:13

Nuihna in cihmawh seelna zong hi thei a, kigualnop sakna a ven’ciangin dahna hong kilang kik hi.

Mangmuhna 3:17

Kei in ka hau hi, sumte nate nei-in sapna a om nawn kei hi na cih hangin pumpi lunggimna, hehpihhuaina, zawnna, mittawtna, puan neih lohna na thuak lamtak thei na hih ciangin,

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Efesa 5:4

A kilawm lo kihhuaina kam, a mawkna kam, amawkna kamsiate zong paaikhia un la, Pasian’ hehpihna phatna kamte zang un.

Luka 13:28

Abraham, Isaak leh Jakob-te akipan, Pasian’ kamsangte khempeuh in Pasian’ Gam sungah a om na muh uh ciangin, note in hawlkhiatna na thuak ding uh a, kahna leh hagawina om ding hi.

Luka 12:20

Ahih hangin Pasian in, ‘Mi haipa aw, tu nitakin na kha a kila ding hi. Na kholsa nate kua in luah ding hiam?’ a ci hi.

Luka 8:53

Amah a si kei hi, a ihmu hi,” a cih ciangin, numeino a si cih amau thei uh ahih ciangin, Zeisu zahpihin a nuihsan uh hi.

Nahum 1:10

Amaute, linglom bangin om uh a, zu leh sa tawh kidiahin a om lai takun ham bangin kihaltum ding hi.

Amos 8:10

Na lungdam pawite uh dahna ka suaksak ding a, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun in a tawp dongin nasia semsem ding hi.

Isaiah 28:7

Hih mite zong leenggahzu tawh hoi-in kham theih zu tawh awn uh hi: siampite leh kamsangte nangawn zu khamin hoi uh hi. Kamsangte in zu kham lua ahih manin Pasian’ muhsak mangmuhnate thei thei lo uh a, siampite in zong zu kham lua uh ahih manin a thukhen dingte uh khen thei lo uh hi.

Isaiah 9:20

Amaute in taklam-a omte ne uh a, ahih hangin gilkial lai uh hi, amaute in veilam-a omte ne uh a, ahih hangin kham nai lo uh hi; mite in amau’ vengte’ sa ne ciat uh hi,

Isaiah 8:21

Mite pen gam sungah vak kawikawi-in, nakpi takin lungkhamin gilkial ding uh hi; amaute a gil uh a kial ciangin lungham gawp ding uh a, a kumpipa uh leh a Pasian uh hamsiat-in van dak ding uh hi;

Thuhilh-sia 7:6

Mihaite’ nuihna in meikuang sunga selkeu kikhul a puak zaizai tawh kibang a, khiatna nei lo, a mawknapi ahi hi.

Thuhilh-sia 7:3

Nuihna sangin dahna hoihzaw hi; na mai hong gumsak zah in na thu theihna hong khangsak hi.

Thuhilh-sia 2:2

Nuihna in haina ahihna, leh nopna in bangmah-a a kiman’ lohna ka mukhia hi.

Paunak 30:9

Hau lua leng, nang hong nialin, “Topa i cih kua hiam?” kong ci kha ding a, zawng lua leuleu leng, mi’ na guk sakin, ka Pasian’ min kong daisak kha zel ding hi.

Late 49:19

khuavak mu ngei nawn lo dingin a sisa a pu a pate kiang mah-ah amah pai veve ding hi.

1 SAMUEL MASA 2:5

A gilvahte in an thalawh uh a, ahih hangin a gilkialte kial nawn lo hi. Tasel mi in ta sagih nei a, ahih hangin ta tampi a nei nu lungzuang hi.

Luka 6:24

Sumhau note in gimna na thuak ding uh hi. Bang hang hiam na cih uh leh, nopna na ngah zo uh hi.

Luka 6:26

Mi khempeuh in note hong phat ciangin, gimna na thuak ding uh hi. Bang hang hiam na cih uh leh, a pute a pate un thuzuau kamsangte tungah tua bangin a bawl uh hi.