Luka 6:24 - Tedim Bible

²⁴ Sumhau note in gimna na thuak ding uh hi. Bang hang hiam na cih uh leh, nopna na ngah zo uh hi.

Tedim Bible Revision 2017

²⁴ “Ahi zongin tuhunin a hau note in nopsakna ngah khin na hih manun gimna na thuak ding uh hi.

Luka 6:24 Referans Kwoze

1 TIMOTI MASA 6:17

Hih leitungah sum hau mite in lungsim kiliatsakna tawh kipelhin, a kip tawntung thei lo sum hauhna muang loin, eite lungdam nading na khempeuh a kicingin hong pia Pasian muangin, nuntakna taktak ahi nuntakna ngah nadingin, hong tung ding hun ciangin, amau ading a bulpi pha zong kholin, midangte tungah thupha bawlna, gamtat hoihna kicingin, midang hopnopna lungsim nei-in, khat leh khat kipawl nadingin kilemna thu bawl nading thu na pia in.

Mattiu 6:2

“Tua ahih ciangin, note in hehpihna na piak uh ciangin mi simtatte in phatna a ngah nop manun, kikhopna inn sung leh lam lai-a a mai-ah peengkul a tumsak uh bangin na hih kei un. Aman takpi kong cih-inah, amau in a phattuamna uh a ngah zo uh hi.

Jeim 2:6

Note na hih uh leh, mizawngte na thudon kei uh hi. Sum haute in note hong bawlsia uh a, thukhenna tokhom mai-ah hong kai uh hilo ahi hiam?

Paunak 1:32

Bang hang hiam cih leh thu thei lote in, pilna a don loh manun sihlawh uh a,

Mattiu 6:16

“Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Mattiu 6:5

“Thu na nget uh ciangin mi simtatte bangin na hih kei un. Bang hang hiam na cih uh leh, mi muh nadingin a ut manun kikhopna inn sung leh lamka bomah dingin thu a ngen nuam uh hi. Aman takpi kong cih-inah, amau in a phattuamna uh a ngah zo uh hi.

Haggai 2:9

Biakinn thak in a lui sangin hoih zawin thupizaw ding hi. Hih biakinn-ah cihtheihna leh nopsakna kong pia ding hi,” ci sak hi.

Luka 6:25

Tu lai takin an kham note in gimna na thuak ding uh hi. Bang hang hiam na cih uh leh, note na gilkial ding uh hi. Tu lai taka nui note in gimna na thuak ding uh hi. Bang hang hiam na cih uh leh, note in thuumin na kap ding uh hi.