Luka 6:23 - Tedim Bible

²³ Tua lai takin nuam un la, lungdamin na diang un. Bang hang hiam na cih leh, vantungah nop tuamna lian na ngah ding uh hi. A pute a pate un zong kamsangte tua bangin a bawlsia uh hi.

Tedim Bible Revision 2017

²³ Vantungah na thaman ding uh lian mahmah ahih manin tua bang na tuah uh ciangin nuamin lungdamin na diang un. Bang hang hiam cih leh a pu a pate un zong tua bangmahin kamsangte tungah a bawl uh hi.

Luka 6:23 Referans Kwoze

Mangmuhna 21:7

A zo mi in hih nate luahin, kei in ama Pasian ka hi ding a, amah in ka ta ahi ding hi.

Mangmuhna 3:12

A zo mi ka Pasian’ biakinnpi khuampi ka suaksak ding hi. Tunung ciangin tua mun panin pua lamah cikmah hunin a paikhia nawn kei ding hi. Tua mi tungah ka Pasian’ min ahi zongin, ka Pasian kiang vantung panin hong kumsuk ding Jerusalem khua thak ahi, ka Pasian’ khuapi min ahi zongin, keima min thak ahi zongin ka gelh ding hi.

Mangmuhna 3:5

A zo mi in tua bang puanpaak a silh ding hi. Ama min zong nuntakna laibu pan ka su mang ngei kei ding hi. Ama min ka Pa mai-ah ahi zongin, ka Pa’ vantungmite mai-ah ahi zongin ka gum ding hi.

Sawltak 5:41

Tua ciangin sawltakte in Zeisu’ min hanga zumhuaina thuak dinga kilawm a kisak manun ah lungdamin, upa vaihawmna pan a paikhia uh hi.

Mattiu 5:12

Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

Mangmuhna 2:26

Zo-in, keima deihnate a tawp dongin a zui mi, mipawlte tungah ukna aana ka pia ding a,

Mangmuhna 2:17

Kha Siangtho in pawlpite a thupiakna bil nei mi in ngai ta hen. A zo mi a kiseel maana ahi zongin, a ngah mi sim loh kuamah in a thei zawh loh min thak kigelhna suangpak ahi zongin ka pia ding hi.’”

Mangmuhna 2:7

Kha Siangtho in pawlpite a thupiakna bil nei mi in ngai ta hen. A zo mi keimah in Pasian Paradis gam sungah a om nuntakna gah a nek theihna thu ka pia ding hi.”

1 PETER MASA 4:13

Note in Khazih’ gimna a zom na hih uh ciangin ama minthan’na hong kilat ciangin lungdam mahmahna tawh na nuam nadingun, tu-in zong nuam un.

Jeim 1:2

Ka u ka naute aw, ze-etna apawlpawl na thuak uh ciangin lungdam nading bek a hi ci-in na ciamteh un.

Sawltak 3:8

thakhatin tho a, a din’ khit ciangin lam pai-in diang a, Pasian’ min phatin sawltakte tawh biakna innpi sungah a lutkhawm hi.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

2 SAMUEL NIHNA 6:16

Topa’ thuciamna singkuang David khuapi sung hong tun’ lai takin kongvangneu panin Saul’ tanu Mikhal khuadak a, Topa mai-ah Kumpi David diangin a laam mu hi; tua nu in a lungsim-ah amah simmawh hi.

Hebru 11:6

Upna loin Pasian kilungdamsak zo lo hi. Bang hang hiam na cih uh leh, Pasian kiang a nai mi-in Pasian a om hi cih ahi zongin, cihtakna tawh amah a zong mite amah in thaman a piapa hi cih ahi zongin a um ding hi.

2 TIMOTI NIHNA 2:12

I thuak leh, amah tawh i maangkhawm ding hi. Eite in amah i nial leh, Amah in eite hong nial ding hi.

Kolose 1:24

Tu-in note adingin gimna thuakna ah lungdamin, Khazih’ gimna neu kha a kisam lai, pawlpi ahi ama pumpi adingin keima pumpi sungah hong kicingsak hi.

2 KORIN NIHNA 12:10

Tua ahih ciangin Khazih hangin thanemna, kosiatna, zawn’khalna, bawlsiatna, a haksa gimna ka thuak ciangin ka nuam hi. Bang hang hiam na cih uh leh, ka thanem ciangin ka thahat hi.

ROM (Romans) 5:3

Tua tham loin gimna i thuak ciangin i lungdam hi. Bang hang hiam na cih uh leh, gimna in thuakzawhna a piangsak hi.

Sawltak 14:10

“Na khe tawh na dingtang ta in,” ci-in nakpi-in a kiko ciangin, tua pa ding-in lam a pai hi.

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Luka 1:44

Nong hopihna aw ke’n ka zak ciangin ka gil sunga om naungeek in lungdamna tawh a diang hi.

Luka 1:41

Mari hopihna thu Elisabeth in a zak ciangin, a gil sunga om naungeek diang a, amah in Kha Siangtho tawh kidim hi.

Jeremiah 2:30

Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

Isaiah 35:6

tua ciangin khebai mipa pen sakhi bangin diangin lam ding a, a pau thei lo mipa in lungdamin la sa ding hi. Bang hang hiam cih leh gamlakah tui hong phulkhia ding a, sehnel gam sungah lui tui hong luang ding hi;

Nehemiah 9:26

“‘Ahi zongin amaute in dem nopna lungsim nei-in nang hong lehdo uh hi; amaute in na thukham nungngat uh a, nangma lamah hong ciahkik nadingun amaute a hilhkhol na kamsangte that uh a, amaute in gendai-mawhna lianpi bawl uh hi.

2 KUMPI NIHNATE 6:31

tua ciangin amah in, “Tu ni-in Shafat’ tapa Elisha’ lutang a liangko tungah a om lai taak leh Pasian in kei hong dawm kei ta hen,” a ci hi.

1 KUMPI MASATE 22:27

tua ciangin, ‘Kumpipa in hih bangin ci hi, “Hih mipa thong sungah koih un la, lungnuamin kei kong ciahkik matengin an leh tui tawmno cik bek tawh vaak un,” ci hi,” va ci un,” a ci hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih ding, Imlah’ tapa Mikaiah kici mi khat om lai hi; ahih hangin amah in kei’ thu a hoih gen ngei loin a sia gen ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 21:20

Ahab in Elijah kiangah, “Ka galpa aw, kei hong mu na hi hiam?” a ci hi. Amah in dawngin, “Topa muhna ah a sia gamta dingin nangmah kipia tawm na hih manin nangmah kong mu hi.

1 KUMPI MASATE 19:14

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawnkhia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.

1 KUMPI MASATE 19:10

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.

1 KUMPI MASATE 19:2

Tua ciangin Jezebel in Elijah kiangah kamtai khat sawlin, “Zing ciang tu bang hunin amaute khat’ nuntakna bangin nangma nuntakna ka bawl kei taak leh pasiante in kei hong dawm kei ta hen,” cisak hi.

1 KUMPI MASATE 18:4

Jezebel in Topa’ kamsangte a hon thah lai-in Obadiah in kamsang za khat la-in sawmnga sawmnga-in leihawm sungah seel a, amaute an leh tui tawh vaak hi.)

Late 58:11

Mite in, “Thuman mi’ ading noptuamna om taktak a, leitunga thukhen Pasian khat om taktak hi,” ci ding uh hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.