Luka 6:18 - Tedim Bible

¹⁸ A kihhuai dawi’ bawlsiatna a thuak mite in zong cidamna a ngah uh hi.

Tedim Bible Revision 2017

¹⁸ Tua mite pen ama thuhilhna a ngai ding le a natna uh panin damna a ngah nop manun a hong pai uh ahi hi. Dawi a vei mite zong hong pai uh a, damna a ngah uh hi.

Luka 6:18 Referans Kwoze

Sawltak 5:16

Jerusalem kimkot khuate panin mi tampite in cina khempeuh leh dawi bawlsiatte hong paipihin a kikhawm uh a, tua micinate khempeuh in damna a ngah kim uh hi.

Mattiu 17:15

“Topa aw, ka tapa hong hehpihsak in. Amah in sibup natna vei-in a gim mahmah hi. Meikhuk sung leh tui sungah, tam veipi a puk ngei zo hi.

Mattiu 15:22

Kanaan numei khat in tua gam panin paikhia a, “David’ Tapa aw, kei hong hehpih in. Keima tanu in dawi’ bawlsiatna nakpi-in a thuak hi,” ci-in a kiko hangin, Zeisu in kam khat beek a dawng kei hi.

Luka 6:17

Zeisu in amaute tawh mual tung pan kumsuk khawm a, mun zangah a ding hi. Thu ngaih nading ahi zongin, cidamna ngah nading ahi zongin, Judah gam pan akipan, Jerusalem khuapi pan, Tai-ar leh Sidon khua tuipi gei pan, mi tampite leh ama nungzuite tampite zong hong pai uh hi.

Luka 6:19

Mihonpite khempeuh in Zeisu a lawn’ nading a zong uh hi. Bang hang hiam i cih leh, ama tung pan vangliatna paikhia a, mi khempeuh a damsak hi.