Luka 6:13 - Tedim Bible

¹³ Khua a vak ciangin a nungzuite sam a, Sawm-le-nihte teelin, ‘Sawltakte’ ci-in a phuak hi.

Tedim Bible Revision 2017

¹³ Khua a vak ciangin a nungzuite sam a, amaute sung panin sawm le nih teel khia-in sawltakte ci-in min a phuak hi.

Luka 6:13 Referans Kwoze

Mangmuhna 21:14

Khuapi kulh nuai-ah a nuaiphah sawm leh nih om a, tuate tungah Tuuno’ sawltak sawm leh nihte’ minte kigelh hi.

Efesa 4:11

Khazih’ pumpi lamin nasep nading ahi zongin, misiangtho kipsak nading ahi zongin amah in mi kimkhatte sawltak za ahi zongin, mi kimkhat kamsang za ahi zongin, mi kimkhat Lungdamna Thu, thuhilh za ahi zongin, mi kimkhat pawlpi kem Sia za leh laihilh za ahi zongin a koih hi.

Marka 6:30

Sawltakte in Zeisu kiangah kikhawm uh a, a hihna khempeuh leh a thuhilhna khempeuh a zasak uh hi.

Marka 6:7

Tua lai takin Zeisu in a nungzui sawm-le-nihte a sap khit ciangin, kihhuai dawite a zawh nading thu pia a, nih tek, nih tekin a sawl hi.

Mattiu 9:36

Amah in mihonpite a muh ciangin hehpihhuai a sa hi. Bang hang hiam i cih leh, tua mite in a cing om lo, kikhenthang a, a gim tuute bangin a om uh hi.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Mangmuhna 12:1

Vantungah lamdang lian khat a kilang hi. Numei khat in ni silhin, kha in ama khe nuai-ah omin, aksi sawm leh nih a tuang kumpilukhu a lu tangah a khu hi.

2 PETER NIHNA 3:2

Note in a siangtho kamsangte in nidang lai-inah a gensa thute ahi zongin, note sawltakte tungah hong piak Topa leh Honpa’ thupiakna ahi zongin, na ngaihsut nadingun, hih laikhak nihna sungah note lungsim siangtho uh hong phawksakin ka hong hansuah hi.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

Efesa 2:20

Bang hang hiam na cih uh leh, sawltakte-a kipan kamsangte ahi, khuam tungah note in zomin a kilam mi na hi uh hi. Khazih in tua innkiunuai suang ahi hi.

Sawltak 1:13

A tun’ uh ciangin Piter, Johan, Jeim leh Andru, Filip leh Thomas, Bartholomai leh Mattiu, Alfe-as’ tapa Jeim, Simon Zealot leh Jeim’ tapa Judas-te a tun’na uh inndei tungah a paito uh hi.

Luka 22:30

note zong keima Gam sungah ka sabuai ah an ne-in tui na dawn theih nadingun note thu kong pia ding hi. Note in thukhen tokhom tungah tu-in, Israel mipawl sawm leh nihte tungah thu na khen ding uh hi,” a ci hi.

Luka 11:49

Tua ahih ciangin, Pasian’ lungpilna in, ‘Kamsangte leh sawltakte amaute kiangah ka sawl ding hi. Amau in tuate kimkhat that uh a, a bawlsia ding uh hi!’

Mattiu 19:28

Zeisu in, “Ke’n aman takpi kong cih-inah, na khempeuh a thak kibawl kik a, Mihing Tapa in vangliatna tokhom tungah a tut ciangin ka nung hong zui note in thukhen tokhom sawm leh nih tungah tu-in, Israel mipawl sawm leh nihte tungah thu na khen ding uh hi.

Mattiu 10:2

Sawltak sawm leh nihte a min un: a masa bel Piter kici, Simon leh a naupa Andru, Zebedi’ tapate Jakob leh Johan,

Luka 6:14

Tuate in: Simon, a min thak a phuah Piter leh a naupa Andru, Jakob leh Johan, Filip leh Bartholomai,

Johan 4:33

Tua ahih ciangin a nungzuite in, “Mi khatpeuh in an nek ding hong puak zo hiam?” ci-in khat leh khat a kikum uh hi.