Luka 5:7 - Tedim Bible

⁷ Adang gunkuang khatah a om a lawmte zong hong pai-in, hong huh nadingin amaute khut van a, amaute hong pai-in gunkuang nih ngasa tawh kidim-in a tum dek tak hi.

Tedim Bible Revision 2017

⁷ A gunkuang dang khat ah a om a lawmte hong pai-in a huh nadingun a khut uh a van uh hi. Amaute zong hong pai uh a, gunkuang tegel sungah ngasa a dimtakin guang uh ahih manin a gunkuang tum dektak hi.

Luka 5:7 Referans Kwoze

Filippi 4:3

Lawm naseppih taktak aw, tua numeite huh dingin ka hong thuum hi. Bang hang hiam na cih uh leh, amaute in kei leh Klement-a kipan nuntakna laibu sungah min kikhum adang ka naseppihte tawh Lungdamna Thu ka hilh khawmna-ah hong huhin, a hahkat mi ahi uh hi.

Galati 6:2

Van puak ding a omte khat leh khat kihuhin na pua un la, Khazih’ thukham na zui un.

Sawltak 11:25

Tua khit ciangin Saul a zong dingin Barnabas paikhia a, Tarsas khua a tung hi.

Paunak 18:24

Lawm pawlkhatte, sauvei kimang lo a, lawm pawlkhatte, sanggam sangin kipzaw hi.

Paikhiatna 23:5

Nangmah a hong mudahpa’ la a van tawh a puk na muh leh a la tawh amah na nusia kei ding a, tua la phot toh ding na huh ding hi.

Marka 4:36

Amaute in mihonpi nusia-in paikhia uh a, gunkuangah amah a om bangin amaute in Topa tawh tuang khawmin a pai uh hi. Gunkuang dangte zong amau tawh a paikhawm uh hi.

Luka 5:6

Tua banga a paih khit ciangin, ngasa tam mahmah khuh kha a, ngen a kikeek hi.

Luka 5:8

Simon Piter in a muh ciangin Zeisu khuk kiangah bokin, “Topa aw, mawhnei mi ka hih ciangin ka kiang pan paikhia in,” a ci hi.