Luka 5:5 - Tedim Bible

⁵ Simon in zong, “Topa aw, kote in zankhua-in ka hahkat uh hangin, khat beek ka man kei uh hi. Ahih hangin thu nong piak bangin ngen ka paai ding hi,” a ci hi.

Tedim Bible Revision 2017

⁵ Tua ciangin Simon in, “Sia aw, tu zan thapai ngasa ka khuh uh hangin khat zong ka man kei uh hi. Ahi zongin khuh in, nong cih leh ka khuh ding hi,” ci-in a dawng hi.

Luka 5:5 Referans Kwoze

Johan 2:5

A nu in nasemte kiangah, “Ama hong sawl khempeuh na hih un,” ci-in a gen hi.

Johan 15:14

Note in ka thupiakna bangin na hih uh leh, ka lawmte na hi ding uh hi.

Johan 21:3

Simon Piter in, “Kei nga beng dingin pai ning,” a cih ciangin, “Ko zong kong pai ding uh hi,” a ci uh hi. Amaute paikhia uh a, gunkuang sungah lutin tua zanin ngasa khat beek a man kei uh hi.

Luka 8:24

Zeisu kiangah pai uh a, “Topa, Topa aw, kote ka si dek tak uh hi,” ci-in a phong uh hi. Zeisu tho a, huihpi leh tui kilok a taai khit ciangin khawlin, a dai hi.

Luka 17:13

“Topa Zeisu aw, kote hong hehpih in,” ci-in a kiko uh hi.

Luka 9:33

Tuate in Zeisu tawh a kikhen lai takun Piter in, “Topa aw, hih lai takah kote kong om uh ahoih hi. Nang ading buk khat, Moses ading buk khat, Elijah ading buk khat, buk thum kote hong lamsak in,” ci-in gen ding adang thei loin a gen hi.

Luka 9:49

Johan in, “Sia aw, nangma min tawh dawite a hawlkhia mi khat ka mu uh hi. Amah in eite hong zui lo ahih ciangin ka kham uh hi,” ci-in a gen hi.

Ezekiel 47:10

En-gedi khua panin En-eglaim khua ciang dong tuipi dungah ngasa bengte omin, tua dungah a ngen uh zalin pho keu ding uh hi. Mediterranean Tuipi sungah ngasa om zah mah bangin ngasa nam tampite om ding hi.

Luka 8:45

Zeisu in, “Kua in hong lawng hiam?” ci-in a dong hi. Mi khempeuh in a nial uh ciangin Piter in, “Topa aw, mihonpite in nang hong phukha a, hong sukha uh hi,” a ci hi.