Luka 5:34 - Tedim Bible

³⁴ Zeisu in zong, “Zipipa in a lawmte tawh a omkhawm lai takin tuate in an a tang sak zo ding uh hiam?

Tedim Bible Revision 2017

³⁴ Jesu in amaute kiangah, “Mopawi ah zineipa le pawisimte a om khawm laitakin a pawisimte an tangsak thei ding na hi uh hiam?

Luka 5:34 Referans Kwoze

Johan 3:29

Zipipa in zi neipa ahi hi. Ahih hangin zi neipa kiangah ding a, ama thu a za a lawmpa in zi pipa’ aw a zak manin a lungdam mahmah hi. Tua mah bangin keima lungdamna a kicing hi.

2 KORIN NIHNA 11:2

Na thuak taktak un. Bang hang hiam na cih uh leh, keimah in note nungak siangtho bangin Khazih kiangah kong piak nadingin pasal khat tawh ka hong kiteengsak zo ahih ciangin, Pasian tawh kipawl lunghihmawhna tawh, note ading ka lunghimawh hi.

Mattiu 22:2

“Vantung Gam in a tapa ading molakpawi a kham kumpipa tawh kibang hi.

Zefaniah 3:17

Topa na Pasian un note hong ompih a, ama vangliatna in hong gualzo sak hi. Note tungah Topa lungkim ding a, ama itna tawh hong thak bawl ding hi. Note hangin Topa lungdamin la sa ding a,

Isaiah 62:5

Bang hang hiam cih leh tangval khat in nungak khat a ten’pih mah bangin nang hong lamkippa in nang hong tenpih ding a, zipipa mothak nu tungah a lungdam mah bangin na Pasian nang tungah lungdam ding hi.

Isaiah 54:5

Bang hang hiam cih leh nangmah hong Bawlpa in na pasal hi a, ama min in Vanglianpen Topa ahi hi; Israelte’ Siangtho Pa in nangmah hong Tankhia-pa hi a, amah pen leitung buppi’ Pasian kici hi.

Solomon la 6:1

Nungak lak-a hoihpen nu aw, na ngaihno, koi-ah pai hiam? Na ngaihno, koi lam pai hiam? Amah hong zon’ pih nu’ng. Nungak:

Solomon la 5:8

Kong thuum hi, Jerusalem nungakte aw, ka ngaihno na muh uh leh, lungzuangin ka sih dekna, na gensak un. Nungak in a Lawmpa Phat Nungak dangte:

Mattiu 9:15

Zeisu in, “Zipipa in a lawmte tawh a omkhawm lai takin tuate a dah thei ding uh hiam? Ahih hangin zipipa in a lawmte tawh a kikhen ni a hong tung ding hi. Tua ciangin a lawmte in an nek a tang ding uh hi.

Luka 5:33

Amaute in, “Johan’ nungzuite in an nek tang zeelin, thu a ngen uh hi. Farisaite’ nungzuite in zong tua bangin ahih uh hi. Ahih hangin na nungzuite in an ne-in tui a dawn uh hi,” a ci uh hi.

Luka 5:35

Ahih hangin a hun hong tung ding a, zipipa in a lawmte tawh a kikhen khit ciangin, tua ni-in amaute in an nek a tang ding uh hi,” a ci hi.