Luka 5:30 - Tedim Bible

³⁰ Farisaite leh laitheite in, “Note in siahdongte leh mawhneite tawh, bang hangin an nekhawm tui dawnkhawm na hi uh hiam?” ci-in a nungzuite a ko uh hi.

Tedim Bible Revision 2017

³⁰ Amaute sung panin Farisi mite le Thukham hilh siate pawl khat nungzuite tungah phun uh a, “Bang hangin siahdongte le mawhneite tawh an nekhawm tui dawn khawm na hi uh hiam?” ci-in a dong uh hi.

Luka 5:30 Referans Kwoze

Sawltak 23:9

Tua ciangin gamlumna piang a, Farisai-te laka laitheite kimkhat ding-in nakpi-in a nial uh a, “Hih pa tungah bangmah mawhna ka mu kei uh hi. Kha ahi zongin, vantungmi ahi zongin ama kiangah a gen leh, bang phamawh ahi hiam?” a ci uh hi.

Luka 19:7

Tua thu amaute in a muh uh ciangin, “Mawhneipa’ inn sungah a taam hi,” ci-in a zahko uh hi.

Luka 5:21

Laitheite leh Farisaite in, “Pasian tungah a pau a khial hih mi kua mi ahi hiam? Pasian longal kua in mawhna maisak zo hiam?” ci-in a ngaihsun uh hi.

Luka 5:17

Ni khat Zeisu in thu a hilh lai takin, Jerusalem khuapi pan a kipan Galile gam leh Judah gam khua khempeuh pan hong pai Farisaite leh Pasian’ Thukham siate in a kiangah a tu uh hi. Cinatna a damsak thei dingin Topa’ vangliatna Zeisu tungah a tung hi.

Marka 7:3

(Farisaite akipan Judah mi khempeuh in tanglai upate’ ngeina zui-in khut phatakin sil loin an ne lo uh hi.

Isaiah 65:5

“Note kiang panin kote hong kituam koih ahih manin kihemkhia un la, ko kiangah hong pai kei un,” ci-in midangte tungah a gen mite in ni khat tawntung a kuang mei leh ka nak sunga meikhute bang ahi uh hi.

Luka 18:11

Farisaipa ding-in amah leh amah kigen-in thungen a, ‘Pasian aw, keimah in mi zawhthawh bawla sut ahi zongin, mi thuman lo gamta ahi zongin, mi’ zi tawh mawh thei mi tham loin, hia siahdongpa tawh kibang ka hi kei hi. Nangma hehpihna ka phat hi.

Luka 7:39

Zeisu an a vak Farisaipa in a muh ciangin, “Hih mi in Pasian’ kamsangpa ahih takpi leh, a lawng hih numei in bang mi ahi, a gilo numei hi, ci-in a thei ding hi,” ci-in a lungsim sungah a gen hi.

Luka 7:34

Mihing Tapa in an ne tui dawnin hong pai a, note in, ‘Hihpa in an hai zu haipa hi. Siahdongte leh migilote tawh zawlin a kiman hi,’ na ci uh hi.

Mattiu 5:46

Hong itte bek na it uh leh, na gitna uh bang phattuamna na ngah ding uh hiam? Siahdongte in zong tua bang ahih uh hilo ahi hiam?

Mattiu 9:11

Farisaite in a muh uh ciangin a nungzuite kiangah, “Na Siapa uh siahdongte leh mawhneite tawh bang hangin an ne khawm ahi hiam?” a ci uh hi.

Marka 2:16

Zeisu in mawhneite leh siahdongte tawh an a nek khawm Farisaite leh laitheite in a muh uh ciangin, a nungzuite kiangah, “Amah in siahdongte leh mawhneite tawh bang hangin an nekhawm, tui dawnkhawm ahi hiam?” a ci uh hi.

Marka 9:16

Zeisu in, “Note in amaute tawh bang thu kidong na hi uh hiam?” ci-in a dong hi.