Luka 5:21 - Tedim Bible

²¹ Laitheite leh Farisaite in, “Pasian tungah a pau a khial hih mi kua mi ahi hiam? Pasian longal kua in mawhna maisak zo hiam?” ci-in a ngaihsun uh hi.

Tedim Bible Revision 2017

²¹ Tua ciangin Thukham hilh siate le Farisi mite in a lungsim sung uh ah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Luka 5:21 Referans Kwoze

Isaiah 43:25

“Na thupalsatnate hong phiatkhiatsakpa in keimah Pasian ka hi a, kei ka hih manin na khialhnate ka ciamteh kei ding hi.

Johan 10:33

Judah mite in, “Apha bawlna hangin suang tawh hong deeng ding ka hi kei uh hi. Nang mihing hi napi-in Pasian bangin na kibawl a, Pasian na gensiat maninah suang tawh hong deeng ding ka hi uh hi,” a ci kik uh hi.

Luka 7:49

Amah tawh an ne khawmte in, “Mawhna teng a maisak hih pa in kua mi ahi hiam?” ci a, amau lungsim sung uh ah a gen uh hi.

Mattiu 26:65

Tua tak ciangin, Siampi ukpa in a puan balkeek a, “Hih mipa in Pasian tungah a pau khial zo hi. Adang bang teci deih lai i hi hiam? Pasian tungah ama paukhialhna thu na za zo uh hi.

Late 32:5

Ka khialhna na tungah kong pulak a, ka mawhna ka im kei hi; “Ka khialhnate Topa tungah ka pulak ding hi,” ka ci hi; tua ciangin ka mawhna nin nong maisak hi.

Siampi Laibu 24:16

Topa’ min a gensia mipa kithat ding hi; mihonte khempeuh in amah deng ding uh hi; peemta hita leh tualsung mi hita leh, Min Siangtho a gensiat ciangin kithat ding hi.

ROM (Romans) 8:33

Pasian’ teelsate kua in a mawhsak ding hiam? A diksakpa in Pasian ahi hi.

Daniel 9:19

Topa aw, ka thungetna uh hong za in la, ka mawhna uh hong maisak in. Topa aw, hong ngai in la, na hong sem in! Na min na khualna tawh hong zekai kei in. Hih khuapi leh hih mite in nangma neihsa ahi hi,” ka ci hi.

Daniel 9:9

Nangmah in hehpihna tawh kidimin mawhna maisak a, ahih hangin kote in nang ka hong langpan’ uh hi.

Isaiah 44:22

Na thupalsatnate meiipi bangin, na khialhnate meiilum bangin ka phiatkhia khin zo hi; nang hong tan khin ka hih ciangin kei kiangah hong ciahkik in.

Isaiah 1:18

Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Late 130:4

Ahih hangin nang hong kizahtak theih nadingin nangmah in mawhna na maisak hi.

Late 103:3

Amah in ka mawhna khempeuh hong maisak a, ka natna khempeuh hong dam sak hi.

Luka 5:17

Ni khat Zeisu in thu a hilh lai takin, Jerusalem khuapi pan a kipan Galile gam leh Judah gam khua khempeuh pan hong pai Farisaite leh Pasian’ Thukham siate in a kiangah a tu uh hi. Cinatna a damsak thei dingin Topa’ vangliatna Zeisu tungah a tung hi.

Mattiu 9:3

Laitheite kimkhat in, “Hihpa in Pasian tungah a pau khial hi,” ci-in a lungngai uh hi.

Micah 7:19

Kote nong khasiat kik ding a, ka mawhnate uh hong sawpkhiatsakin, tuipi taw-ah nong paihsak ding hi.

Late 35:5

Topa’ vantungmi’ hawlna tawh amaute huih letkhiat ansite tawh kibangsak in.

Luka 3:8

Tua ahih ciangin kisikkikna tawh kilawm gah na gah un. ‘Abraham ka pa uh hi,’ ci-in na lungsim sung uh ah lungngaih ding na kipan kei un. Ke’n kong cih-inah, Pasian in hih suangte nangawn zong Abraham’ tate a suaksak thei hi.

Luka 5:22

Zeisu in amaute ngaihsutna a theih ciangin, “Note in bang hangin na lungsim sung uh ah tua bangin ngaihsun na hi uh hiam?