Luka 5:17 - Tedim Bible

¹⁷ Ni khat Zeisu in thu a hilh lai takin, Jerusalem khuapi pan a kipan Galile gam leh Judah gam khua khempeuh pan hong pai Farisaite leh Pasian’ Thukham siate in a kiangah a tu uh hi. Cinatna a damsak thei dingin Topa’ vangliatna Zeisu tungah a tung hi.

Tedim Bible Revision 2017

¹⁷ Khat vei, Jesu in thu hilhin a om laitakin, Galilee gam, Judea gam le Jerusalem khua pan hong pai Farisi-te le Thukham hilh siate pawl khat tua lai munah a tu uh hi. Jesu tungah cina damsak theih nading Pasianʼ vangliatna kipia hi.

Luka 5:17 Referans Kwoze

Luka 6:19

Mihonpite khempeuh in Zeisu a lawn’ nading a zong uh hi. Bang hang hiam i cih leh, ama tung pan vangliatna paikhia a, mi khempeuh a damsak hi.

Luka 8:46

Zeisu in, “Mi khat in kei hong lawng hi. Bang hang hiam na cih uh leh, ka tung panin vangliatna a paikhia ka thei hi,” a ci hi.

Sawltak 19:11

Pasian in Paul’ khut tungah nalamdang liante lak a,

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Sawltak 4:30

lau loin na thu a gen na’ngun a siangtho Sila Zeisu’ min tawh lim leh nalamdang a kibawl theih na’ngin hong hehpih in,” ci-in thu a ngen uh hi.

Marka 7:1

Tua khit ciangin, Jerusalem khua panin hong tung Farisaite leh laithei kimkhatte in Zeisu kiangah hong kikhawm uh a,

Marka 5:30

Zeisu in ama tung pan vangliatna paikhia a theih khit ciangin, mihonpi lamah kihei a, “Ka puan kua in lawng hiam?” a ci hi.

Mattiu 15:1

Tua khit ciangin, Jerusalem khua panin Farisaite leh laitheite Zeisu kiangah va pai uh a,

Johan 3:21

Ahih hangin thuman a gamta mi in ama gamtatna Pasian’ deihna tawh kituak cih a kilatsak nadingin khuavakna-ah a pai hi,” ci-in a gen hi.

Luka 2:46

Ni thum khit ciangin, naupang biakna innpi sungah thuhilhte lai zangah tu a, amaute thu ngai a, amaute kiangah thu dongin a om a mu uh hi.

Luka 15:2

Farisaite leh laitheite in , “Hihpa in migilote ngai a, amau tawh an a nekhawm hi,’ ci-in a ko uh hi.

Luka 7:30

Ahih hangin, Farisaite leh laitheite in amau noptuam nadingin Pasian’ deihna a nial uh a, Johan’ baptaizna a sang kei uh hi.

Luka 5:30

Farisaite leh laitheite in, “Note in siahdongte leh mawhneite tawh, bang hangin an nekhawm tui dawnkhawm na hi uh hiam?” ci-in a nungzuite a ko uh hi.

Luka 5:21

Laitheite leh Farisaite in, “Pasian tungah a pau a khial hih mi kua mi ahi hiam? Pasian longal kua in mawhna maisak zo hiam?” ci-in a ngaihsun uh hi.

Marka 16:18

gulte man ding uh a, sihna gu a dawn uh hangin gimna a thuak kei ding uh hi. Cinate tungah a khut uh a ngak uh ciangin a dam ding uh hi,” ci-in Zeisu in a vaikhak hi.

Marka 3:22

Jerusalem khuapi pan a hong paisuk laitheite in, “Hih pa in Beelzebub a nei hi. Dawimangpa suangin dawite a hawlkhia hi,” a ci uh hi.

Marka 1:45

Ahih hangin tua pa paikhia a, a thu genthangin a kizeelsak hi. Tua ahih ciangin Zeisu in a nung ciangin a kilangin khua sungah tum thei lo a, khuanawl gampa lakah a om hi. Mun khempeuh panin a kiangah mite a pai uh hi.

Johan 3:10

Zeisu in, “Nang in Israelte’ siapa na hi napi-in, hih thute thei lo na hi hiam?

Sawltak 5:34

Tua lai takin mi khempeuh in a zahtak uh Pasian’ Thukham sia ahi Gamaliel, Farisai khat in vaihawmna lakah ding-a sawltakte pua lamah tomkha sung pusuak sak dingin thu a piak khit ciangin,