Luka 5:14 - Tedim Bible

¹⁴ Zeisu in hih thu kuama kiangah a gen loh nadingin thu a pia hi. “Pasian’ siampi kiangah pai in la, va kilak in. Amau in a theih nadingun Moses’ thu piaksa bangin biakna na pia in,” a ci hi.

Tedim Bible Revision 2017

¹⁴ Tua ciangin Jesu in ama kiangah, “Hih thu kuamah dang kiangah gen kei in. Siampipa kiangah paisuak pah inla, kivelsak in. Tua ciangin na damna thu a kilat nadingin Moses thupiak mah bangin biakna pia in,” ci-in thu a pia hi.

Luka 5:14 Referans Kwoze

Luka 17:14

Zeisu in tuate a muh ciangin, “Pai un la, Pasian’ siampi kiangah va kilak un,” ci-in thu a pia hi. Amaute a pai lai takun damna a ngah uh hi.

Mattiu 8:4

Zeisu in, “Hih thu kuamah kiangah na gen kei in. Pasian’ siampi kiangah pai inla, va kilak in. Amau in a theih nadingun Moses’ thu piaksa bangin biakna na pia in,” a ci hi.

Marka 1:44

“Hih thu kuamah kiangah na gen loh nadingin na kikem in. Ahi zongin siampi kiangah pai in la, va kilak in. Amau in a theih nadingun Moses thu piakna bangin biaknate na pia in,” ci-in nakpi-in a sawl hi.

Mattiu 12:16

“Kei kua mi ka hih lam kuamah kiangah na gen kei un,” ci-in a kham hi.

Mattiu 9:30

Zeisu in, “Hih thu kuama theih loh nadingin kikeem un,” ci-in nakpi-in a kham hi.

Siampi Laibu 13:2

“Mi khat in ama pumpi vun tungah a bawk ahi a, a meima ahi a, a mel tuampian ahi zongin a neih a, tua pen ama pumpi vun tungah phak natna a suah leh, tuapa pen siampi Aaron kiang ahi a, ama tapate siampi khatpeuh peuh kiangah ahi zongin kipaipih ding a,

Luka 9:5

Mi khatpeuh in note hong nolh leh, amau khua pan na paikhiat uh ciangin, amau lang khatah teci a pang dingin, na khepeek nuai-a leivuite na singkhia un,” ci-in thu a pia hi.

Marka 6:11

Mun khat peuhah mite in hong nolh a, na thu uh a ngaih kei uh leh, amau omna pan na paikhiat uh ciangin, amau lang khatah teci pang dingin, na khepeek nuai uh ah leivuite na singkhia un,” ci-in thu a pia hi.

Mattiu 10:18

Tuate akipan Gentailte mai-ah teci-in na pan’ nadingun, mangte leh kumpite mai-ah keima hangin note hong paipih ding uh hi.

Siampi Laibu 13:49

tua natna in a hing meel-in ahi a, a san meel-in ahi zongin puan tungah a kilat ciang, puan a tung a phei tung hita leh savun leh savun tawh a kibawl na khatpeuh peuh tungah a om ciangin tua in phak natna hi a, siampipa kiangah kilak ding hi.

Luka 5:13

Zeisu in a khut zanin lawng a, “Ka hih nuam hi, na dam ta in,” a cih leh, thakhatin a dam pah hi.