Luka 4:4 - Tedim Bible

⁴ Zeisu in, “Mite in khomun bek tawh nungta lo hi, ci-in Lai Siangtho sungah kigelh hi,” a ci hi.

Tedim Bible Revision 2017

⁴ Jesu in, “Lai Siangtho sungah, ‘Anlum bek tawh mite nungta zo lo hi,’ ci-in kigelh hi lo ahi hiam?” ci-in a dawng hi.

Luka 4:4 Referans Kwoze

Thu-hilhkikna 8:3

Mite in an bek tawh nungta loin Topa’ kam sung panin a pusuak thu khempeuh tawh a nungta hi, ci-in note hong theihsak nadingin, amah in note hong niamkhiatin hong gilkial sak a, note hita leh na pu na pate uh hita leh in a theih ngei loh uh manna tawh hong vaak hi.

Mattiu 4:4

Zeisu in, “Mi in khomun bek tawh nungta lo hi, Pasian’ kam sung pan hong pusuak thu khempeuh tawh a nungta hi,’ ci-in Lai Siangtho sungah kigelh hi,” a ci kik hi.

Efesa 6:17

Gupna sik-lukhu khu un la, Pasian’ Thu ahi Kha Siangtho tem tawi un.

Mattiu 6:31

Tua ahih ciangin, ‘Bang ka ne ding hiam? Bang ka dawn ding hiam? Bang ka silh ding hiam?’ ci-in lunghimawh kei un.

Paikhiatna 23:25

Note in Topa na Pasian uh’ na nasem ding uh a, keimah in na an uh leh na tui uh thupha ka pia ding hi; keimah in note’ lak panin cinatna ka lakhia ding hi.

Luka 4:10

Bang hang hiam na cih leh: ‘Amah in ama vantungmite nang ading thu a pia ding hi,’ leh

Luka 4:8

Zeisu in zong, “Na Topa Pasian na bia ding hi. Ama na bek na sem ding hi, ci-in Lai Siangtho sungah kigelh hi,” a ci hi.

Luka 22:35

Khatvei Zeisu in, “Dangka-ip, thung-ip, khedapte keng loin note kong sawl lai-in, na sapna uh a om hiam?” ci-in a dot ciangin, “Sapna khat beek a om kei hi,” a ci uh hi.

Jeremiah 49:11

A tagah na tate uh ka kiangah hong koih un; ke’n amau ka kem ding hi. Na meigong numeite uh zong, kei hong muangsak un.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Luka 4:3

Dawimangpa in, “Nang in Pasian’ Tapa na hih takpi leh, hih suang khomun suaksak in,” a ci hi.