Luka 4:35 - Tedim Bible

³⁵ Zeisu in, “Pau kei in la, ama sung pan paikhia in,” ci-in a taai hi. Dawi in amaute lai zangah amah a puksak khit ciangin, natna bawl loin ama sung pan a paikhia hi.

Tedim Bible Revision 2017

³⁵ Jesu in tua dawi taii a, “Pau kei inla, ama sung panin paikhia in,” ci-in thu a pia hi. Dawi in a mipa mihon lakah a puksak khit ciangin ama sung panin paikhia a, ahi zongin liamsak lo hi.

Luka 4:35 Referans Kwoze

Luka 4:41

Dawite in zong, “Nang in Pasian’ Tapa na hi hi,” ci-in kikoin mi tampite sung pan a paikhia uh hi. Amah in Khazih ahih lam a theih manun, Amah in amaute taii-in kam khat beek a pausak kei hi.

Luka 4:39

Zeisu in ama kiangah ding-in cinatna a taai khit ciangin, a nattun’ dam a, thakhatin thoin zinte a vak hi.

Mattiu 8:26

Zeisu in, “Upna neute aw, bang dinga lau na hi uh hiam?” a cih khit ciangin, tho a, huih leh tuihual a taai khit ciangin a dai ta hi.

Mangmuhna 12:12

Tua ahih ciangin vantungte leh vantungah a omte aw, nuam un! Leitung leh tuipi ahih uh leh, lunggimna a om hi. Bang hang hiam na cih uh leh, Dawimangpa in hun tomkha bek ngah lai ahih thei-in, thangpaai mahmahin note omna-ah a paisuk zo hi!” ci-in a gen aw ka za hi.

Luka 11:22

Ahih hangin amah sangin a hatzaw mi hong pai a, a zawh khit ciangin, amah in a muan a hiamte sut a, a sumte la-in a hawm ding hi.

Luka 9:42

A pai lai takin dawi in naupang lei ah puksakin a kongkawsak hi. Zeisu in kihhuai dawi taai a, naupang a damsak khit ciangin a pa kiangah a pia hi.

Luka 9:39

Dawi in amah manin amah thakhatin kiko a, a kam sung pan cilphuan bua dongin kongkawsak a, nakpi-in bawlsia-in a paikhia hak mahmah hi.

Luka 8:24

Zeisu kiangah pai uh a, “Topa, Topa aw, kote ka si dek tak uh hi,” ci-in a phong uh hi. Zeisu tho a, huihpi leh tui kilok a taai khit ciangin khawlin, a dai hi.

Marka 9:26

dawi in kiko-in naupang nakpi-in a kongkawsak khit ciangin a paikhia hi. Naupang in misi tawh kibang ahih ciangin mi tampi in, “A si zo hi,” a ci uh hi.

Marka 1:26

Kihhuai dawi in tua pa a kongkawsak khit ciangin nakpi-in kiko a, ama sung pan a paikhia hi.

Mattiu 17:18

Zeisu in tua dawi a taai ciangin, naupang sung pan paikhia a, tua hun akipanin naupang a dam hi.

Zekhariah 3:2

Topa’ vantungmi in Satan kiangah, “Satan aw, Topa in nang hong taai hi. Jerusalem a it Topa in nang hong taai hi. Hih Joshua pen, meikhuk sung panin a kiteenkhia singkhuah tawh kibang hi,” a ci hi.

Late 50:16

Ahih hangin migilote tungah Pasian in hih bangin ci hi: “Ka thukhamte lawh nading, ka thuciamna na muk uh tawh gen nading note in bang thu nei na hi uh hiam?

Marka 4:39

Zeisu thoin huihpi taai a, “Dai in,” ci-in thu a piak ciangin huihnung tawpa a dai pah hi.

Luka 4:23

Zeisu in, “A tel takpi-in note in, ‘Zatopa aw, nangmahmah na kidamsak in. Kapernaum khua-ah na bawlna khempeuh kote in ka zak bangun, nangma gamah zong bawl in,’ ci-in thugentehna tawh kei kiangah nong ci ding uh hi.