Luka 4:23 - Tedim Bible

²³ Zeisu in, “A tel takpi-in note in, ‘Zatopa aw, nangmahmah na kidamsak in. Kapernaum khua-ah na bawlna khempeuh kote in ka zak bangun, nangma gamah zong bawl in,’ ci-in thugentehna tawh kei kiangah nong ci ding uh hi.

Tedim Bible Revision 2017

²³ Tua ciangin Jesu in amaute kiangah, “Paunak khat ah, ‘Zato pa aw, nangmah kidamsak tawm in,’ a cihna thu kei tungah nong cih nop ding uh ka thei hi. ‘Kapernaum khua ah na bawl thu ka zakte uh zong hih lai na khua ah hong bawl in,’ zong nong ci nuam ding uh hi,” a ci hi.

Luka 4:23 Referans Kwoze

Marka 6:1

Zeisu in tua mun pan paikhia a, ama khua-ah pai-in a nungzuite in a zui uh hi.

Mattiu 4:13

Nazareth khua khengin Zebulun gam leh Naftali gam kikalah, tuili tawh kinai Kapernaum khua-ah tungin a teeng hi.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

Johan 4:28

Numei in a tuiphel nusia-in, khua sungah ciah a;

Luka 6:42

Na mit sungah singluang om napi-in na u na nau kiangah, ‘Unau aw, na mittang sungah a om ninneng tang hong paaikhiasak in,’ bang hangin ci na hi hiam? Nang mi simtatpa aw, na mit sungah a om singluang paaikhia masa in. Tua khit ciangin, na u na nau’ mit sunga ninneng tang paihkhiat ding na tel muh thei ding hi.”

Luka 4:16

A khan’na Nazareth khua-ah Zeisu pai a, ngeina bangin Nipi ni-in kikhopna innah lut a, Lai Siangtho sim dingin a ding hi.

Mattiu 13:54

Ama khua-ah a tun’ ciangin, kikhopna inn sungah thu hilh hi. Khuapihte in lamdang a sa uh hi. “Hihpa in hih bang pilna leh vangliatna koi pan a ngah hiam?

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Luka 2:39

Amaute in Topa’ Thukhamna bangin na khempeuh a bawl khit uh ciangin, Galile gam amau khua Nazareth-ah a ciah uh hi.

Luka 2:51

Amah in amaute tawh ciahsuk khawm a, Nazareth khua-ah tungin amaute thu mangin a om hi. A nu in hih thu khempeuh a lungsim sungah a ciamteh hi.

Luka 4:31

Zeisu Galile gam Kapernaum khua-ah a paisuk khit ciangin, Nipi ni-in thu a hilh hi.

Luka 4:35

Zeisu in, “Pau kei in la, ama sung pan paikhia in,” ci-in a taai hi. Dawi in amaute lai zangah amah a puksak khit ciangin, natna bawl loin ama sung pan a paikhia hi.