Luka 4:18 - Tedim Bible

¹⁸ “Topa’ Kha Siangtho in keima tungah a om hi. Bang hang hiam i cih leh, mizawngte kiangah Lungdamna Thu zasak dingin hong sawl zo hi. A kiman a kikhum mite a kikhah nading ahi zongin, Mittawte in khua a muh kik theih nading ahi zongin, Bawlsiatna a thuak mite khah nading ahi zongin,

Tedim Bible Revision 2017

¹⁸ “Gimna a thuak mite tungah Lungdamna Thu a hilh dingin Topa in kei hong seh khin ahih manin keima sungah Topaʼ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Luka 4:18 Referans Kwoze

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Luka 7:22

Tua ciangin, “Note pai un la, na zaksa, na muhsa uh thute Johan kiangah va gen un. Mittawte in khua mukik thei uh hi. Khebaite in lam a pai thei uh hi. Phakte in damna a ngah kik uh hi. Bengngongte in khua a za thei uh hi. Misite in hin’na a ngah kik uh hi. Mizawngte kiangah Lungdamna Thu kihilh hi.

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Johan 12:46

Kei hong um mi in khuamial lakah a om loh nadingin kei khuavakin leitungah kong pai hi.

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

Mattiu 4:16

Khuamial sungah a om mite in, Khuavakna a mu uh hi; Sihna liim gam sungah a tute tungah, Khuavak a taang zo hi,” a ci hi.

Isaiah 32:3

Tua ciangin amau’ mit si loin, mi cimawhte’ kisapna mu ding a, amau’ bil in mi cimawhte’ thugen ngai ding uh hi.

Late 147:3

Amah in lungsim kitamte damsak a, amau’ meimate tuamsak hi.

Isaiah 35:5

Tua ciangin mittawte’ mit kihong ding a, bilngongte’ bil kihong ding hi;

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Luka 6:20

Zeisu in a nungzuite en a, “Mizawng note in thupha na ngah ding uh hi. Bang hang hiam na cih uh leh, Pasian’ Gam in note gam ahi ding hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Johan 3:34

Pasian hong sawl mi in Pasian’ thu a gen hi. Bang hang hiam i cih leh, Pasian in Kha Siangtho kiteh loin a pia hi.

Isaiah 59:21

Note tawh hih bangin thuciamna ka bawl hi: Nang tunga a om ka kha leh na kamsung a, ka koih keima thukhamte leh ka thuhilhnate note tungah kong pia khin a, tu-a kipanin a tawntungin note in tua thute zui-in na suan na khakte uh kam pan paikhia lo ding a, a khang khangin na maimangsak kei ding uh hi,” a ci hi.

Isaiah 50:4

Thugenna tawh a lunggim mite tha a pia thei kammal ka theih nadingin, Topa Pasian in ka gen ding thu hong hilh khin hi. Ama hong hilhnate a ngai dingin zingsang simin hong phong hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Isaiah 49:9

Thongkia mite tungah, ‘Hong paikhia un,’ ci-in, khuamial sunga om mite tungah, ‘Hong pusuak un,’ ka ci ding hi. Amaute pen lam tawntung ah an a ne, mualpawn a sang munte khempeuh ah, nuam takin a gamta tuute tawh kibang ding uh hi.

Isaiah 45:13

Thumanna sungah amah khua ka phawksak a, keimah in ama lampi khempeuh ka mamsak ding hi; amah in nasep thaman ahi a, letsong ahi zongin ngaihsun loin keima khuapi lamin sal-a om ka mite khahkhia ding hi,” Vanglianpen Topa in ci hi.

Late 34:18

Lungsim kitamzante kiangah Topa om a, lungsim zan-gawpte hon hi.

Late 2:6

“Ka mual siangtho Zion tungah ka Kumpi ka tusak khin hi,” ci hi.

Zefaniah 3:12

Note lakah a kiniamkhiat, mi lungnemte bek, ka suakta sak lai ding a, keima min suangin thu hong ngen ding uh hi.

Late 2:2

Leitung kumpite leh gam ukte in, Topa leh ama sathau nilhpa langpangin vaihawm uh a,

Johan 1:41

Amah in a u Simon zong masa a, “Messiah ka mu zo uh hi,” ci-in Zeisu kiangah a paipih hi. Messiah a khiatna in ‘Khazih’ cihnopna ahi hi.

Mattiu 12:20

Thu a khensak khit matengin A awnsa pumpeeng kuai tan lo a, A khu suaksa meivak khau a sumit kei ding hi.

Late 51:17

Pasian’ san’ theih biakna in lungsim kitamzan hi; Pasian aw, a kitamzan, a kisik lungsim na simmawh kei ding hi.

Zekhariah 11:11

Tua ahih manin tua ni-in thuciamna kiphiat hi. Tuu summeet bawlte in hong en giugiau uh a, hih banga ka gamtatna panin Topa’ thugen ahih lam phawk uh hi.

Ezekiel 9:4

“Jerusalem khua sung khempeuh ah pai kawikawi in la, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltang-ah ciamtehna va bawl in,” ci-in sawl hi.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Sawltak 4:27

hih khua sungah Herod leh Pontias Pilat in Gentailte leh Israelte tawh nangmah na khut leh na ciamtehna in hong piang ding thu a piakkholh bangin,

Late 45:7

thumanna deihin gitlohna na mudah hi. Tua ahih ciangin Pasian ahi, nangma Pasian in, na gualpihte tungah kikhaito-in lungdamna sathau tawh nang hong nilh zo a,

2 KHANG TANGTHU NIHNATE 34:27

hih mun leh a tunga teengte langpan’na ama kammal na zak ciangin na lungsim kisikin Pasian mai-ah na kiniamkhiat a, keima mai-ah nang kiniamkhiatin na puante balkekin ka mai-ah kap na hih manin, kei zong nang kong za hi, Topa in ci hi.

Mattiu 12:18

“Ka teelsa ka nasempa, Ka lung hong damsak, ka it mahmah pa en un. Ama tungah ka Kha Siangtho ka omsak ding hi. Amah in Gentailte tungah thukhenna thu a hilh ding hi.

Luka 4:17

Kamsangpa Isaiah’ Lai Siangtho a kipiak ciangin phen a:

Sawltak 4:26

‘Topa leh ama Khazih do dingin Leitung kumpite ding uh a, Gam-ukte in a kikhawm uh hi,’ci-in Kha Siangtho tawh nang in ka pa uh David’ kamin na cih mah bangin,