Luka 4:13 - Tedim Bible

¹³ Dawimangpa in kheemna a vekpi-in ahih khit ciangin a kiang panin tomkha sung a paikhia hi.

Tedim Bible Revision 2017

¹³ Dawimangpa in a hih theih zahin Jesu a ze-et khit ciangin, tawl khat sung a nusia phot hi.

Luka 4:13 Referans Kwoze

Jeim 4:7

Tua ahih ciangin Pasian’ ukna na mang un. Dawimangpa na kham un; na kham uh leh, note kiang pan a taikhia ding hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Johan 14:30

Tu-a kipanin note kiangah thu tampi kong gen nawn kei ding hi. Bang hang hiam na cih uh leh, hih leitung ukpa hong pai a; ahih hangin kei tungah thu a nei kei ding hi.

Mattiu 4:11

Tua khit ciangin, dawimangpa in Topa kiang pan paikhia a, vantungmite hong pai-in an a vaak uh hi.

Luka 4:12

Zeisu in, “Na Topa Pasian na ze-et kei in,’ a kici hi,” a ci hi.

Luka 4:14

Zeisu in Kha Siangtho’ vangliatna tawh, Galile gamah ciahkik hi. Ama thu a kimkot gam khempeuh ah kizeelin a thang hi.