Luka 3:6 - Tedim Bible

⁶ Mi khempeuh in Pasian’ gupna thu a thei ding uh hi,” ci-in a gelh hi.

Tedim Bible Revision 2017

⁶ Mi khempeuh in Pasianʼ hotkhiatna ngah ding uh hi,’” ci-in a kigelh hi.

Luka 3:6 Referans Kwoze

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Isaiah 40:5

Topa’ kam in gen khin ahih manin, Topa’ minthan’na hong kilang ding a, mi khempeuh in mu khawm ding uh hi,” a ci hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

ROM (Romans) 10:18

Ahih hangin amaute in za hilo ahi uh hiam? A mantakpi a za uh hi: “Amaute aw un leitung khempeuh ah a zel zo hi; Amau thu un leimong dongin a tung zo hi.”

ROM (Romans) 10:12

Bang hang hiam na cih uh leh, Judah mipawl, Grik mipawl teeltuam a nei kei hi. Mi khempeuh a uk Pasian khat bek om a, ama kiangah thu a ngen mi khempeuh in a kicing hehpihna a ngah ding uh hi.

Marka 16:15

“Note leitung khempeuh ah vak kawikawi un la, mi khempeuh kiangah Lungdamna Thu na hilh un.